హైదరాబాద్‌లో భారీగా డ్రగ్స్ పట్టివేత...!

హైదరాబాద్‌లో డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్ఐ) అధికారులు పెద్ద ఎత్తున డ్రగ్స్‌ను పట్టుకున్నారు. రూ.కోట్లు విలువ చేసే డ్రగ్స్‌ను ఆహారపదార్థాల్లో పెట్టుకొని సరికొత్త పద్ధతిలో రవాణా చేస్తున్న ముఠాను ఎయిర్ పోర్ట్‌లో అధికారులు పట్టుకున్నారు.

విదేశాల నుంచి డ్రగ్స్‌ను రవాణా చేస్తున్నట్లుగా సమాచారం రావడంతో ఎయిర్ పోర్ట్‌లో డీఆర్ఐ అధికారులు తనిఖీలు నిర్వహించారు.

ఈ తనిఖీల్లో భాగంగా పెద్ద ఎత్తున డ్రగ్స్‌ను పట్టుకోవడమే కాకుండా రవాణా చేస్తున్న ఇద్దరు వ్యక్తులను అరెస్టు చేశారు.

ఈ డ్రగ్స్ విలువ దాదాపు రూ.కోట్లు పైచిలుకు ఉంటుందని అధికారులు వెల్లడించారు. ఫుడ్ మెటీరియల్స్ చాటున డ్రగ్స్ తరలింపు చేస్తున్నారు. అయితే ఆస్ట్రేలియా నుంచి హైదరాబాద్ వచ్చిన ఈ డ్రగ్స్‌ను అధికారులు పట్టుకున్నారు.

అయితే వారి వద్ద నుంచి కిలోకి పైగా మెథమెటమిన్ ఉన్న డ్రగ్ స్వాధీనం చేసుకున్నారు. ఫుడ్ ఐటమ్స్‌లో కలిపి తీసుకునే డ్రగ్స్‌గా అధికారులు గుర్తించారు. అత్యంత ప్రమాదకరమైన డ్రగ్స్ సరఫరాపై డీఆర్‌ఐ అధికారులు ఆందోళన వ్యక్తం చేస్తున్నారు.