కమలా హ్యారిస్ పై సంచలన వ్యాఖ్యలు చేసిన డొనాల్డ్ ట్రంప్
By: chandrasekar Fri, 09 Oct 2020 5:35 PM
అమెరికాలో అధ్యక్ష
ఎన్నికల నేపథ్యంలో వాడి వేడి వ్యాఖ్యలు చోటుచేసుకుంటున్నాయి. కమలా హ్యారిస్ పై
డొనాల్డ్ ట్రంప్ సంచలన వ్యాఖ్యలు చేశారు.
కరోనా వైరస్ బారినపడి కోలుకున్న అమెరికా అధ్యక్షుడు డొనాల్డ్ ట్రంప్ ఎన్నికలకు మరో
25
రోజులు మాత్రమే సమయం ఉండటంతో అప్పుడే ఎన్నికల రణక్షేత్రంలోకి దూకారు. తాజాగా, ఫాక్స్
న్యూస్కి ఇచ్చిన ఇంటర్వ్యూలో ట్రంప్ మరోసారి కమలా హ్యారిస్ను టార్గెట్ చేస్తూ
విమర్శలు గుప్పించారు. ఒకవేళ, డెమోక్రాటిక్ అభ్యర్థి జో బిడెన్ ఎన్నికల్లో విజయం
సాధిస్తే ఆయన నుంచి నెల రోజుల్లోనే కమలా హ్యారిస్ అధికారాన్ని హస్తగతం
చేసుకుంటారని ట్రంప్ సంచలన వ్యాఖ్యలు చేశారు. ఉపాధ్యక్ష అభ్యర్థులు మైక్ పెన్స్, కమలా
హ్యారిస్లు మధ్య ఎన్నికల డిబేట్ వాడివేడిగా జరిగిన మర్నాడే ట్రంప్ ఈ వ్యాఖ్యలు చేశారు.
గత రాత్రి కూడా అది పోటీ కాదని నేను అనుకున్నాను ఆమె భయంకరంగా ఉంది. మీరు మరింత
దిగజారిపోతారని నేను అనుకోను పూర్తిగా
ఇష్టపడనిది ఆమె కమ్యూనిస్టు ఆమె (సెనేటర్), బెర్నీ (సాండర్స్) ఎడమ భుజమని అందరికీ తెలుసు అని
అన్నారు. మేము కమ్యూనిస్టును చూడబోతున్నాం జో పక్కన కూర్చుని చూశాను ఆయన అధ్యక్షుడిగా రెండు నెలలు కొనసాగలేడని నా
అభిప్రాయం. అతను రెండు నెలల కూడా ఉండడు అని డిబేట్ తర్వాత ట్రంప్ తన ఇంటర్వ్యూలో
అన్నారు.
ట్రంప్ కు ప్రతార్థి అయిన
కమలా హ్యారిస్ కమ్యూనిస్ట్ అని సోషలిస్ట్ కాదని
అంతకు మించి ఆమె అభిప్రాయాలను పరిశీలిస్తే
హంతకులు, రేపిస్టులు
దేశం నుంచి పారిపోవడానికి సరిహద్దులను తెరవాలని ఆమె కోరుకుంటుంది అని
దుయ్యబట్టారు. బిడెన్, హారిస్ వంటి నేతల గురించి వాస్తవాలు బయటపెడితే మీడియా
ఇంతకు ముందెన్నడూ లేనివిధంగా వారి గురించి ప్రచారం చేస్తుందని ట్రంప్ అన్నారు.
ఏడాది పాటు పెద్ద మొత్తంలో పన్నుల పెంపు కోసం పిలుపునిచ్చి ప్రస్తుతం దీనిని
వ్యతిరేకిస్తున్నారని, నకిలీ వార్తల ప్రచారమే పనిగా పెట్టుకున్నారని
ఆరోపించారు. కమలా హ్యారిస్తో డిబెట్ జరిగిన మర్నాడు నెవడాలో జరిగిన ఎన్నిక
ర్యాలీలో రిపబ్లిక్ ఉపాధ్యక్ష అభ్యర్థి మైక్ పెన్స్ పాల్గొన్నారు. ఈ సందర్భంగా
పెన్స్ మాట్లాడుతూ పన్నులపై డెమోక్రాట్లు
రెండు నాల్కల ధోరణి ప్రదర్శిస్తున్నారని ధ్వజమెత్తారు. గత రాత్రి
వైస్-ప్రెసిడెంట్స్ డిబేట్ ఇరువురు అభ్యర్థుల మధ్య మాత్రమే కాదు, రెండు
విజన్స్ మధ్య జరిగిందని తాను భావిస్తున్నానని అన్నారు. జో బిడెన్, కమలా హ్యారిస్లు
అధిక పన్నులు విధించాలని, సరిహద్దులు తెరవాలని కోరుకుంటున్నారని అన్నారు. మరి
ఈసారి అధ్యక్ష ఎన్నికల్లో ఎవరు గెలవనున్నారో వేచి చూడాల్సిందే.