డిల్లీ హైకోర్టు సంచలన వ్యాఖ్యలు... పెళ్లికి ముందు సెక్స్ చేస్తే...!
By: Anji Thu, 17 Dec 2020 5:15 PM
డిల్లీ హైకోర్టు ఓ కేసు విచారణలో కీలక వ్యాఖ్యలు చేసింది. పెళ్లి పేరుతో సెక్స్ చేసే విషయంపై హైకోర్టు సంచలన వ్యాఖ్యలు చేసింది.
ఓపురుషునితో స్త్రీ చాలా కాలం అన్యోన్యంగా ఉన్నట్లయితే, పెళ్లి పేరుతో సెక్స్ చేయడం అత్యాచారం కాబోదని ఢిల్లీ హైకోర్టు పేర్కొంది.
పెళ్లికి ముందు చాలా కాలం పాటు కలిసి ఉండి.. పెళ్లి పేరుతో సెక్స్ చేయడం అత్యాచారం కిందకు రాబోదని ఢిల్లీ హైకోర్టు స్పష్టం చేసింది. ఓ యువతి దాఖలు చేసిన కేసుపై విచారణ సందర్భంగా ఢిల్లీ హైకోర్టు ఈ తీర్పు చెప్పింది.
ఎక్కువ కాలం ఓ అమ్మాయి, అబ్బాయి అన్యోన్యంగా ఉన్నపుడు, పెళ్లి చేసుకుంటాననే వాగ్దానాన్ని సెక్స్ వైపు ఆకర్షించేందుకు ప్రోత్సహించడంగా చెప్పలేమని తెలిపింది. కొన్ని కేసుల్లో పెళ్ళి చేసుకుంటాననే వాగ్దానం చేసిన తర్వాత సెక్స్‌‌కు అంగీకరిస్తారని గుర్తు చేసింది.
జస్టిస్ విభు భక్రు ధర్మాసనం గురువారం ఈ వ్యాఖ్యలు చేసింది. కొన్ని కేసుల్లో, ఓ పార్టీ సెక్సువల్ రిలేషన్స్‌కు సమ్మతించాలని అనుకోకపోయినప్పటికీ, పెళ్లి చేసుకుంటాననే వాగ్దానం ఆ పార్టీ సెక్సువల్ రిలేషన్స్ ఏర్పాటు చేసుకునేందుకు అంగీకరించే విధంగా ప్రలోభపెట్టే అవకాశం ఉంది.
సంబంధిత పార్టీ వద్దని చెప్పాలనుకున్నప్పటికీ, అటువంటి ప్రలోభాలు నిర్దిష్ట క్షణంలో సమ్మతిని రాబట్టే అవకాశం ఉందని హైకోర్టు పేర్కొంది.
పెళ్లి చేసుకుంటాననే తప్పుడు హామీలకు సంబంధించిన కేసుల్లో ఓ పార్టీ సమ్మతిని బలహీనపరిచే అవకాశం ఉంటుందని, ఆ విధంగా భారత శిక్షా స్మృతి ప్రకారం అత్యాచారం నేరం అవుతుందని తెలిపింది.
సాధారణం కన్నా ఎక్కువ కాలంపాటు అన్యోన్యంగా ఉన్న సందర్భంలో దీనిని అత్యాచారంగా పరిగణించడం సాధ్యం కాదని ఢిల్లీ హైకోర్టు అభిప్రాయపడింది నిందితునితో తనకు 2008లో శారీరక సంబంధం ఏర్పడిందని, ఆ వ్యక్తి తనను పెళ్ళి చేసుకుంటానని హామీ ఇచ్చాడని బాధితురాలు ఆరోపించింది.
మూడు నెలల తర్వాత తనను పెళ్లి చేసుకుంటానని వ్యక్తి హామీ ఇవ్వడంతో తాను ఆయనతో కలిసి వెళ్లానని చెప్పారు. నిందితుడు తనపై అత్యాచారం చేశాడని ఆరోపించారు. ఈ ఆరోపణల నుంచి నిందితునికి హైకోర్టు విముక్తి కల్పించింది.
