డీసీసీ ఎన్నికలు జమ్మూకాశ్మీర్‌లో ప్రారంభం..

జమ్మూకాశ్మీర్‌లోని జిల్లా అభివృద్ధి మండలికి (డీసీసీ) తొలిసారి ఎన్నికల పోలింగ్‌ శనివారం ఉదయం ప్రారంభమైంది. ఆర్టికల్‌ 370 రద్దు తర్వాత తొలిసారిగా ఇక్కడ ఎన్నికలు జరుగుతున్నాయి. కేంద్ర భూభాగంలోని 280 నియోజకవర్గాల్లోని 43 డీడీసీ స్థానాలకు మొదటి దశలో ఎన్నికలు ప్రారంభం కాగా పోలింగ్‌ మధ్యాహ్నం 2గంటల వరకు ముగియనుంది. ఎనిమిది దశల్లో జరిగే ఎన్నికలు డిసెంబర్‌ 19తో ముగియనున్నాయి.

డిసెంబర్ 22 లెక్కింపు నిర్వహించనున్నారు. ఖాళీగా ఉన్న 234 అర్బన్ లోకల్ బాడీస్ (యుఎల్‌బీ) స్థానాలకు ఉప ఎన్నికలు కూడా ఒకేసారి జరుగుతున్నాయి. నేషనల్ కాన్ఫరెన్స్, పీపుల్స్ డెమోక్రటిక్ పార్టీ (పీడీపీ), పీపుల్స్ కాన్ఫరెన్స్, సీపీఐ (ఎం) సహా పార్టీలు గుప్కర్ డిక్లరేషన్ కోసం పీపుల్స్ అలయన్స్‌ ఏర్పాటు చేశాయి. తొలి డీడీసీ ఎన్నికలతో కలిసి పోరాడుతున్నాయి.

జాతీయ పార్టీలు బీజేపీ, కాంగ్రెస్‌ కూడా రంగంలోకి దిగాయి. కరోనా మార్గదర్శకాలను అమలు చేయడానికి ఆరోగ్య శాఖ నిమగ్నమైందని రాష్ట్ర ఎన్నికల కమిషనర్ కేకే శర్మ పేర్కొన్నారు. భద్రతతో సహా అన్ని ఏర్పాట్లు పూర్తి చేసినట్లు తెలిపారు. మొదటి, రెండో దశ పోలింగ్‌లో మారుమూల ప్రాంతాల్లో జరుగుతున్నాయి.