బాలీవుడ్ కు కొత్త డాన్ వచ్చాడు ..అతడే డేవిడ్ వార్నర్ ఖాన్
By: Sankar Wed, 23 Dec 2020 5:21 PM
డేవిడ్ వార్నర్ ..ఇతర దేశాలలో కేవలం ఒక క్రికెట్ ఆటగాడిగానే పరిచయం కానీ ఇండియాలో మాత్రం ఆటగాడిగానే గాక తన వీడియోలతో ఇంకా ఎక్కువగా పాపులర్ అయ్యాడు..కరోనా లాక్ డౌన్ టైం లో తెలుగు హీరోలు అల్లు అర్జున్ , మహేష్ సినిమాల పాటలకు డాన్సులు చేసి బాగా పేరు తెచ్చుకున్న వార్నర్ తాజాగా ఇండియ సినిమా హీరోలను ఇమిటేట్ చేస్తూ మరోక వీడియో పెట్టాడు...
ఏఐ ఫేస్యాప్ ఉపయోగించి వార్నర్ డాన్-2 సినిమాలో షారుక్లా కనిపించాడు. వీడియోలో అతనిలా స్టంట్స్ చేస్తూ యాక్షన్ సీక్వెన్స్లో ఇరగదీశాడు. ' ఇంత వయొలన్స్ నేను ఎప్పుడూ చేయలేనని.. కానీ ఈ హీరో ఎవరో మీకు అర్థమై ఉంటుందంటూ క్యాప్షన్ జత చేశాడు...
దీంతో పాటు హృతిక్ కీలకపాత్ర పోషించిన జోదా అక్బర్ సినిమాలో హృతిక్ పాత్రలో వార్నర్ మెరవడం విశేషం. ఈ వీడియో ఇప్పుడు సోషల్ మీడియాలో వైరల్గా మారింది. డాన్-2 సినిమాకు దర్శకత్వం వహించిన ఫర్హాన్ అక్తర్ వార్నర్ వీడియోపై వినూత్న రీతిలో స్పందించాడు. బాలీవుడ్కు కొత్త డాన్ వచ్చాడు. అతనే డేవిడ్ వార్నర్.. సారీ డేవిడ్ ఖాన్ అంటూ ఫన్నీ కామెంట్ చేశాడు.