IPL 2020 పాయింట్ల పట్టికలో CSK 8వ స్థానం నుంచి ఒక్కసారిగా...!

దుబాయ్ వేదికగా కింగ్స్ ఎలెవన్ పంజాబ్‌తో ఆదివారం రాత్రి జరిగిన మ్యాచ్‌లో 178 పరుగుల లక్ష్యాన్ని.. వికెట్ కోల్పోకుండా 181/0తో ఛేదించిన చెన్నై సూపర్ కింగ్స్.. పాయింట్ల పట్టికలో 8వ స్థానం నుంచి ఒక్కసారిగా ఆరో స్థానానికి ఎగబాకింది.

ఇక ఐదు మ్యాచ్‌లాడి మూడింట్లో గెలుపొందిన ముంబయి టీమ్ 6 పాయింట్లతో నెం.1 స్థానంలో నిలవగా... ఆ తర్వాత వరుసగా ఢిల్లీ క్యాపిటల్స్ (6), రాయల్ ఛాలెంజర్స్ బెంగళూరు (6), కోల్‌కతా నైట్‌రైడర్స్ (4) టాప్-4లో నిలిచాయి. టోర్నీ లీగ్ దశ ముగిసే సమయానికి పాయింట్ల పట్టికలో టాప్-4లో నిలిచిన జట్లు ప్లేఆఫ్‌కి అర్హత సాధించనున్న విషయం తెలిసిందే.

ఐపీఎల్ 2019 సీజన్‌లో ముంబయి ఇండియన్స్, చెన్నై సూపర్ కింగ్స్, ఢిల్లీ క్యాపిటల్స్, సన్‌రైజర్స్ హైదరాబాద్ ప్లేఆఫ్‌కి చేరగా.. తాజా సీజన్‌లో టాప్-4లో ముంబయి, ఢిల్లీ టాప్-2లో ఉండగా.. చెన్నై, హైదరాబాద్ వరుసగా 6, 7లో ఉండటం గమనార్హం. ఇక గత ఏడాది పాయింట్ల పట్టికలో చిట్టచివరి స్థానంతో సరిపెట్టిన బెంగళూరు తాజాగా పట్టికలో మూడో స్థానంలో ఉంది.