75 కోట్ల రూపాయల కారు కొన్న సాకర్ సూపర్ స్టార్ రోనాల్డో
By: Sankar Mon, 03 Aug 2020 8:50 PM
పోర్చుగల్ ఫుట్బాల్ ప్లేయర్, జువెంటస్ స్టార్ క్రిస్టియానో రొనాల్డో ప్రపంచంలోనే అత్యంత విలువైన కారును కొనుగోలు చేశాడు. దాదాపు రూ.75కోట్లతో(8.5 మిలియన్ యూరోలు) బుగాటీ లా వెచ్యూర్ నొయిర్ కారును దక్కించుకున్నాడు. దాన్ని తనకే బహుమతిగా ఇచ్చుకున్నాడు.
కారుతో తాను దిగిన ఫొటోను రొనాల్డో ఇన్స్టాగ్రామ్లో పోస్ట్ చేశాడు. లా వెచ్యూర్ నొయిర్ మోడల్లో బుగాటీ 10కార్లను మాత్రమే ప్రత్యేకంగా తయారు చేసింది. రొనాల్డో తనకు కావాల్సిన విధంగా ఈ కారును డిజైన్ చేయించుకున్నాడు. ఈ కారు గంటకు 380 కిలోమీటర్ల వేగంతో వెళ్లగలదు.
అలాగే కేవలం 2.4 సెకన్లలోనే 60 కిలోమీటర్ల వేగాన్ని అందుకోలగదు. రొనాల్డో గ్యారేజీలో దాదాపు రూ.264కోట్ల విలువైన కార్లు ఉన్నాయి. కాగా ఈ వారంలో ప్రారంభమయ్యే చాంపియన్స్ లీగ్లో జువెంటస్ తరఫున బరిలోకి దిగేందుకు రొనాల్డో సిద్ధమవుతున్నాడు.