దేశంలో డిసెంబర్ చివరినాటికి అత్యవసర వినియోగానికి కరోనా వాక్సిన్ అనుమతి: ఎయిమ్స్ డైరెక్టర్ డాక్టర్ రణదీప్ గులేరియా

కరోనా వైరస్ నుండి రక్షణ పొందడానికి వివిధ కంపెనీలు చివరి దశలో ట్రయల్స్ నిర్వహిస్తున్న విషయం తెలిసిందే. భారతదేశంలో కొన్ని వ్యాక్సిన్లు చివరి దశ ట్రయల్స్‌లో ఉన్నాయని ఢిల్లీ ఎయిమ్స్ డైరెక్టర్ డాక్టర్ రణదీప్ గులేరియా చెప్పారు. డిసెంబర్ చివరినాటికి లేదా వచ్చే నెల ఆరంభంలో భారత నియంత్రణ అధికారుల నుంచి అత్యవసర వినియోగ అధికారాన్ని ఇవ్వగలమని తాను ఆశిస్తున్నానని చెప్పారు. అప్పుడు సాధారణ ప్రజలకు టీకాలు వేయడానికి ఉపయోగించబడుతుంది. టీకాలు సురక్షితంగా ఉన్నాయని, దానికి సంబంధించిన తగినంత డేటా అందుబాటులో ఉన్నదని, టీకాల భద్రత, సమర్థత విషయంలో ఏమాత్రం రాజీపడమని ఆయన చెప్పారు.

వివిధ కంపెనీల తయారు చేసిన టీకాను ట్రయల్స్ లో భాగంగా దేశంలో ఇప్పటివరకు 70-80 వేల వాలంటీర్లకు వ్యాక్సిన్ ఇచ్చారని, వారిలో గణనీయమైన తీవ్రమైన ప్రతికూల ప్రభావాలు కనిపించలేదని తెలిపారు. స్వల్పకాలిక వ్యాక్సిన్ సురక్షితంగా ఉందని డేటా చూపిస్తుందని పేర్కొన్నారు. ప్రస్తుతం భారతదేశంలో పరిశీలనలో ఉన్న వ్యాక్సిన్లలో ఆక్స్‌ఫర్డ్‌-ఆస్ట్రాజెనెకా కొవిడ్‌-19 వ్యాక్సిన్ ఉన్నాయి. వీటిని సీరం ఇన్స్టిట్యూట్ ఆఫ్ ఇండియా ఉత్పత్తి చేస్తున్నది.

మన దేశంలో కోవిషీల్డ్ అని పిలిచే ఈ టీకా కారణంగా తనకు తీవ్రమైన నాడీ, మానసిక లక్షణాలను ఇచ్చిందని చెన్నైకి చెందిన ఒక ట్రయల్ పార్టిసిపెంట్ ఆరోపించారు. దీనిపై ఈ ఫార్మా కంపెనీ అటువంటి వాదనలన్నింటినీ ఖండించింది. భారతదేశంలో పరీక్షించబడుతున్న ఇతర వ్యాక్సిన్లు రష్యాకు చెందిన స్పుత్నిక్ వీ. ప్రస్తుతం డాక్టర్ రెడ్డీస్‌ ప్రయోగశాలలలో పరీక్షల్లో ఉన్నాయి. ఈ టీకా ఆగస్టులో రష్యాలో ప్రజల ఉపయోగం కోసం ఆమోదించబడింది. అయినప్పటికీ, వ్యాక్సిన్ యొక్క పరీక్షలు ఇప్పటికీ ప్రపంచవ్యాప్తంగా పలు చోట్ల జరుగుతున్నాయి. వీటి సమర్థతను బట్టి వినియోగించనున్నారు.