మెగా బ్రదర్ కు కరోనా
By: chandrasekar Tue, 15 Sept 2020 12:29 PM
కరోనా వైరస్ చిన్నాపెద్దా అనే తేడా లేకుండా అందరికీ వైరస్
వచ్చేస్తుంది. ఇంటింటికి కరోనా అన్నట్లుంది పరిస్థితి. ఎన్ని జాగ్రత్తలు
తీసుకున్నా కూడా ఈ వైరస్ వ్యాప్తి ఆపలేకపోతున్నారు. ఇదిలా ఉంటే ఇండస్ట్రీలో కూడా
చాలా మంది కరోనా బారిన పడ్డారు. తెలుగు ఇండస్ట్రీలో కూడా బండ్ల గణేష్, రాజమౌళి
సహా చాలా మంది ప్రముఖులు ఇప్పటికే కరోనాతో పోరాడి విజయం సాధించారు. ఎస్పీ
బాలసుబ్రమణ్యం సైతం నెల రోజుల తర్వాత కరోనా నెగిటివ్ తెచ్చుకున్నారు. ప్రస్తుతం
మెగా బ్రదర్ నాగబాబుకు కూడా కరోనా
లక్షణాలు కనిపించడంతో నాగబాబు టెస్ట్ చేయించుకున్నారు. అందులో పాజిటివ్ అని
తేలడంతో ప్రస్తుతం నాగబాబు హోమ్ క్వారెంటైన్లో ఉన్నాడు.
తనను కలిసిన వాళ్లందరూ
కూడా టెస్టులు చేయించుకోవాలని నాగబాబు సూచించినట్లు ప్రచారం జరుగుతుంది. ఈ మధ్యే ఓ
షో చేస్తున్నాడు నాగబాబు. దాంతో పాటు తన యూట్యూబ్ ఛానెల్లో కూడా ఓ షో చేస్తున్నాడు.
అంతేకాదు అతను తన కుమార్తె నిహారికతో కలిసి ఈ మధ్యే ఓ ఇంటర్వ్యూ కూడా చేసాడు
నాగబాబు. ఈ షూటింగ్ సమయంలోనే ఈయనకు కరోనా అటాక్ అయిందని తెలుస్తుంది. లక్షణాలు
స్వల్పంగానే ఉండటంతో క్వారంటైన్లోకి వెళ్లిపోయాడు నాగబాబు. ఈయనతో పాటు మరికొందరు
కూడా కరోనా పరీక్షలు చేయించుకున్నట్లు సమాచారం.