అమెరికా అధ్యక్షుడు ట్రంప్ కు కరోనా నెగటివ్
By: Sankar Wed, 14 Oct 2020 10:10 PM
అమెరికా అధ్యక్ష ఎన్నికలు ముంచుకొస్తున్న తరుణంలో అధ్యక్షుడు డొనాల్డ్‌ ట్రంప్‌కి ఊరట లభించింది. ఆయనకి కరోనా పరీక్షలో నెగెటివ్‌గా తేలింది. తనకి కరోనా పాజిటివ్‌ అంటూ ట్రంప్ ప్రకటించిన పన్నెండు రోజుల్లోగా ఆయన సంపూర్ణ ఆరోగ్యంతో బయట పడ్డారు. ట్రంప్‌కి చేసిన యాంటీజెన్‌ కరోనా పరీక్షల్లో నెగెటివ్‌ వచ్చిందని ఆయన వ్యక్తిగత వైద్యుడు డాక్టర్‌ సియాన్‌ కాన్లే చెప్పారు.
ఈ నెల 1న ట్రంప్ తనకి కరోనా సోకినట్టు వెల్లడించారు. ఆ తర్వాత మూడు రోజుల పాటు ఫ్లోరిడాలో ఎన్నికల ప్రచారానికి ట్రంప్ బయల్దేరడానికి కాస్త ముందు ట్రంప్‌కి కరోనా నెగెటివ్‌ వచ్చినట్టుగా సియాన్‌ కాన్లే ప్రకటించారు. ఇతర పరీక్షల్లో కూడా ట్రంప్ సంపూర్ణ ఆరోగ్యంతో ఉన్నట్టు వెల్లడైందని ఆయన తెలిపారు. ఇక ఎన్నికల ప్రచారంలో పాల్గొనడానికి ట్రంప్‌కి వచ్చిన ఇబ్బందేమీ లేదన్నారు.
కరోనా పరీక్షల్లో నెగెటివ్‌గా తేలడంతో ట్రంప్ ఎన్నికల ప్రచారాన్ని ఇక విస్తృతంగా నిర్వహించనున్నారు. ఫ్లోరిడాలో ప్రచారం కోసం వెళుతూ ట్రంప్ మాట్లాడారు. అమెరికా చరిత్రలో ఈ ఎన్నికలు అత్యంత ముఖ్యమైనవి అన్నారు. ఎలాగైనా తాము గెలవాలని చెప్పారు. జో బైడెన్‌ అవినీతికి పాల్పడి డెమొక్రాటిక్‌ పార్టీ అధ్యక్ష అభ్యర్థిగా నామినేషన్‌ తెచ్చుకున్నారని ఆరోపించారు
