ఉత్తర ప్రాంతాలలో తన దళాలను పెంచుకుంటున్న చైనా

ఉత్తర ప్రాంతాలలో తన దళాలను చైనా పెంచుకుంటున్నది. ఇరుదేశాల వాస్తవాధీన రేఖ వెంబడి మాళ్ళీ ఘర్షణ వాతావరణం నెలకొంటున్నట్లు తెలుస్తుంది. జమ్ముకశ్మీర్ లోని లడఖ్‌లో మళ్లీ భారత్-చైనా సైనికుల ముఖాముఖి పరిస్థితులు నెలకొన్నాయి. ఉత్తర ప్రాంతాలలో తన దళాలను పెంచుకుంటున్నది. అయితే, భారత దళాలు మాత్రం వారి చర్యలను సునిశితంగా పరిశీలిస్తున్నాయి. లడఖ్‌లోని ప్యాంగాంగ్ ట్సో సరస్సు దక్షిణ ప్రాంతంలో భారత సైనికులపై దాడి చేసి ఘర్షణ వాతావరణానికి కారణమైన చైనా పీపుల్స్ లిబరేషన్ ఆర్మీ ఇప్పుడు ఉత్తర ప్రాంతాలలో తన దళాలను పెంచుకుంటున్నది. ఇక్కడ కొత్త నిర్మాణాలను కూడా జరుగుతున్నది. రవాణా మార్గాలు అభివృద్ధి పరుస్తున్నారు.

చైనా చేపట్టే అన్ని పనులను చాలా క్షణ్ణంగా పరిశీలిస్తున్నట్లు భారత అధికారులు తెలిపారు. భారత సైనికులు ఈ ప్రదేశానికి చాలా దగ్గరగా ఉండి చైనా యొక్క అన్ని చర్యలపై నిఘా ఉంచారు. మరోవైపు బుధవారం భారత, చైనా దళాల మధ్య బ్రిగేడ్ కమాండర్ స్థాయి చర్చలు నాలుగు గంటలపాటు కొనసాగాయి. కార్ప్స్ కమాండర్ రెండు వైపుల నుంచి చర్చిస్తారని ఒప్పందానికి వచ్చారు. ప్యాంగాంగ్ ఉత్తర ప్రాంతం ఎనిమిది వేర్వేరు ఫింగర్లుగా విభజించబడింది. లైన్ ఆఫ్ యాక్చువల్ కంట్రోల్ (ఎల్ఏసీ) ఎనిమిదో ఫింగర్ నుంచి మొదలై నాలుగో ఫింగర్ వరకు వెళుతుందని భారత్ పేర్కొంటుండగా చైనా మిలటరీ మాత్రం ఎల్‌ఏసీని అంగీకరించడం లేదు.

అనతి కాలంగా మరింత సైనికులను చైనా మోహరిస్తున్నట్లు గుర్తించారు. చైనా సైనికులు ఫింగర్ ఫోర్ చుట్టూ ఉన్నారు. ఈ ఏడాది జూన్ నుంచి భారత్-చైనా మధ్య ఉద్రిక్తతలు కొనసాగుతున్నాయి. జూన్ 15 రాత్రి గల్వాన్ లోయలో హింసాత్మక ఘర్షణలు జరిగాయి. చైనా సైనికులు భారత సైనికులపై ముళ్ల తీగ కడ్డీలు, లాఠీలతో దాడి చేశారు. ఈ ఘర్షణలో భారతదేశానికి చెందిన 20 మంది సైనికులు అమరులయ్యారు. 40 మంది చైనా సైనికులు కూడా మరణించినట్లు వార్తలు వచ్చాయి. అప్పటి నుంచి రెండు వైపుల నుంచి ఒత్తిడితో సైనిక స్థాయిలో చర్చలు జరుగుతున్నాయి. అయితే, అనేక దశల్లో చర్చించిన తరువాత కూడా ఇంతవరకు పరిష్కారం దొరుకలేదు. వారు సైన్యాన్ని వెనుకకు తీసికోకుండా అలానే ఉండడం వల్ల పరిస్థితి మరింత ఉదృతంగా మారుతున్నట్లు తెలుస్తుంది.