చెన్నై సూపర్ కింగ్స్ ఆల్రౌండర్ డ్వేన్ బ్రావో చెన్నై అభిమానులకు విజ్ఞప్తి!
By: chandrasekar Thu, 22 Oct 2020 6:09 PM
చెన్నై సూపర్ కింగ్స్ ఆల్రౌండర్
డ్వేన్ బ్రావో గాయం కారణంగా ఐపీఎల్ తదుపరి మ్యాచ్లకు దూరమైన సంగతి తెలిసిందే.
ఇప్పటికే ఓటములతో సతమతం అవుతున్న చెన్నైకి ఇది మరో ఎదురు దెబ్బ. ఐపీఎల్కు దూరమైన
బ్రావో ఫ్యాన్స్కు ఓ సందేశం పంపాడు. ఈ
సీజన్లో అంచనాలను అందుకోలేకపోయామన్న బ్రావో.. చెన్నై సూపర్ కింగ్స్ను
ప్రోత్సహించండి, ఎంకరేజ్ చేస్తూ ఉండండి అంటూ సీఎస్కే డైహార్డ్
ఫ్యాన్స్ను కోరాడు. ‘ఇలాంటి సీజన్ను మేం ఊహించలేదు, మా
ఫ్యాన్స్ కోరుకోలేదు. మేం మా బెస్ట్ ఇచ్చాం. కొన్నిసార్లు అత్యుత్తమ ప్రదర్శన
చేసినప్పటికీ ఫలితం లేకుండా పోయింది.
చెన్నై సూపర్ కింగ్స్ను
సపోర్ట్ చేస్తూనే ఉండండి. మేం ఛాంపియన్లలా, మరింత మెరుగ్గా తిరిగొస్తామని మాటిస్తున్నా. చెన్నై
అత్యంత విజయవంతమైన ఫ్రాంచైజీల్లో ఒకటి. సీఎస్కే సభ్యులుగా, అభిమానులుగా
మనమెంతో గర్వించాలి’ అని బ్రావో పేర్కొన్నారు. ఐపీఎల్ ఆరంభం నుంచి చెన్నై సూపర్
కింగ్స్ తరఫున ఆడుతున్న బ్రావో.. అక్టోబర్ 17న ఢిల్లీతో జరిగిన మ్యాచ్లో గాయం కారణంగా చివరి ఓవర్
బౌలింగ్ చేయలేకపోయాడు. దీంతో ఢిల్లీ ఆఖరి ఓవర్లో ఈజీగా విజయం సాధించింది. ఈ
సీజన్లో ఆరు మ్యాచ్లు ఆడిన బ్రావో ఆరు వికెట్లు తీశాడు. రెండు ఇన్నింగ్స్లలో
బ్యాటింగ్ చేసి ఏడు పరుగులు మాత్రమే చేశాడు.