తెలంగాణ లో రాబోయే 24గంటల్లో భారీ వర్షాలు కురిసే అవకాశం
By: chandrasekar Mon, 10 Aug 2020 7:41 PM
రాబోయే 24గంటల్లో తెలంగాణలో భారీ వర్షాలు కురిసే అవకాశం ఉందని
హైదరాబాద్ వాతావరణ కేంద్రం తెలిపింది. రాబోయే మూడు రోజుల పాటు వాతావరణం ఇలాగే
ఉంటుందని అధికారులు అంచనా వేస్తున్నారు. ఇవాళ (సోమవారం) అక్కడక్కడ ఉరుములు, మెరుపులతో కూడిన తేలికపాటి నుంచి భారీ వర్షాలు
కురుస్తాయని చెప్పారు. అల్పపీడనం కారణంగా
ఇప్పటికే పలు ప్రాంతాల్లో ఓ మోస్తారు వర్షాలు పడుతున్నాయి.
బంగాళఖాతంలో ఏర్పడిన
అల్పపీడనం పశ్చిమ బెంగాల్ ప్రాంతాల మీదుగా విస్తరించి ఉంది. ఈ అల్పపీడనం ప్రభావంతో మోస్తరు నుంచి భారీ వర్షాలు
పడే అవకాశం ఉంది. ముఖ్యంగా ఆదిలాబాద్, నిర్మల్, ఆసిఫాబాద్, మంచిర్యాల, నిజామాబాద్, కరీంనగర్, జగిత్యాల, రాజన్న
సిరిసిల్ల, కామారెడ్డి, జయశంకర్ భూపాలపల్లి, ములుగు, వరంగల్
అర్బన్, వరంగల్ రూరల్, మహమూబాబాద్, ఖమ్మం జిల్లాలతో భారీ వర్షాలు కురిసే అవకాశం ఉందని
వాతావరణ కేంద్రం ప్రకటించింది.