కరోనా ర్యాపిడ్ టెస్టుల గురించి మార్గదర్శకాలు విడుదల చేసిన కేంద్రం..

ప్రపంచ వ్యాప్తంగా కరోనా కేసులు తీవ్ర స్థాయిలో నమోదు అయితున్నాయి..కరోనా వచ్చి దాదాపు 9 నెలలు అవుతున్న కూడా ఇంతవరకు ఎవ్వరికి కరోనా మీద పూర్తి అవగాహనా లేదు..కరోనా టెస్టుల విషయంలో కూడా అనేక అపోహలు ఉన్నాయి..ఈ నేపథ్యంలో కేంద్రం గురువారం కరోనా నిర్ధారణ పరీక్షల విషయంలో మార్గదర్శకాలు జారీ చేసింది.

ర్యాపిడ్‌ యాంటి జెన్‌ టెస్టులో పాజిటివ్‌ వస్తే... వైరస్‌ సోకినట్లు అర్థం. అయితే ఈ టెస్టులో ఒకవేళ నెగిటివ్‌ వస్తే నమ్మలేమని కేంద్రం అభిప్రాయపడింది. లక్షణాలు ఉండి.. ర్యాపిడ్‌ యాంటిజెన్‌ టెస్టులో నెగిటివ్‌ వస్తే.. ఆర్‌టీ-పీసీఆర్‌ టెస్టు చేయాల్సిందిగా కేంద్రం సూచించింది. ఈ టెస్టులో గనక నెగిటివ్‌ అని వస్తే.. అప్పుడు కరోనా లేనట్టే అని తెలిపింది..

రివర్స్‌ ట్రాన్‌స్క్రిప్షన్‌ పాలిమరేజ్‌ చైన్‌ రియాక్షన్‌(ఆర్‌టీ-పీసీఆర్‌) అనేది ల్యాబ్‌లో ఆర్‌ఎన్‌ఏను డీఎన్‌ఏగా మార్చే ప్రక్రియ. యాంటీబాడీ టెస్టుల్లో భాగంగా వైరస్‌ను కనుగొని దానికి శరీరం ఏ విధంగా స్పందిస్తుంది అనేది ఈ పరీక్షల్లో నిర్ధారిస్తారు. ఇందుకోసం రోగి శరీరంలోని శ్వాస మార్గం, గొంతు, ముక్కు నుంచి నమూనాలను సేకరిస్తారు. వీటి ఫలితాలు రావడానికి 12-24 గంటల సమయం పడుతుంది. ఖరీదైనది కూడా.

ఇక రాపిడ్ యాంటిజెన్ టెస్ట్ , కరోనా నిర్ధారణ కోసం చేసే ఈ పరీక్షలో ఖర్చు తక్కువ.. ఫలితం కూడా అర్థగంటలోపే వస్తుంది. దీనిలో వైరస్‌పై స్పందించేందుకు సదరు వ్యక్తి శరీరంలో యాంటీబాడీలు తయారయ్యాయ లేదా అనే విషయం ఈ పరీక్ష ద్వారా తెలుస్తుంది. ఒక వేళ యాంటీబాడీలు ఉత్పత్తి అయితే పాజిటివ్‌.. లేదంటే నెగిటివ్‌గా ఫలితాలను నిర్ధారిస్తారు. సాధారణంగా ఈ పరీక్షలను ఎక్కువగా కరోనా హాట్‌స్పాట్‌ కేంద్రాల్లో నిర్వహిస్తారు. అయితే కొన్నిసార్లు కరోనా సోకినప్పటికి యాంటీబాడీలు ఉత్పత్తి కాకపోతే.. నెగిటివ్‌గా వస్తుంది. ఆ తర్వాత కొద్ది రోజులకు ఆర్‌టీ-పీసీఆర్‌ పరీక్షల్లో పాజిటివ్‌ రావడం జరిగిందన్నారు వైద్యులు.