హెల్మెట్ లేకుండా బైక్ నడిపిన హీరోయిన్ ...ఫైన్ వేసిన పోలీసులు

టాలీవుడ్ లో అడుగుపెట్టి ఆ తర్వాత బాలీవుడ్ లో మంచి గుర్తింపు తెచ్చుకున్న నటి తాప్సి ..ప్ర‌స్తుతం ఆమె "రష్మి రాకెట్‌" చిత్రంలో అథ్లెట్‌గా న‌టిస్తున్నారు. ఈ సినిమా కోసం డైట్ మార్చేసి, వ్యాయామం మీద ఫోక‌స్ పెడుతూ ప్రత్యేక శ్ర‌ద్ధ తీసుకుంటున్నారు.

తాజాగా ఆమె బుధవారం నాడు ఓ ఫొటోను అభిమానుల‌తో పంచుకున్నారు. ఇందులో తాప్సీ.. సినిమా షూటింగ్‌లో భాగంగా హెల్మెట్ పెట్టుకోకుండా బుల్లెట్ న‌డుపుతున్నారు. కానీ ఇది పోలీసుల కంట ప‌డ‌టంతో ఫొటో కొట్టి ఆమెకు ఫైన్ విధించారు..

ఈ విష‌యాన్ని ఆమె అభిమానుల‌తో పంచుకున్నారు. "ఛ‌లానా విధిండానికి ముందు.." అంటూ త‌ను షేర్ చేసిన ఫొటోకు క్యాప్ష‌న్ సైతం జోడించారు. అయితే ఇది వెన‌క నుంచి తీసిన ఫొటో కావ‌డంతో అక్క‌డు ఉన్న‌ది తాప్సీనే అని గుర్తుప‌ట్ట‌డం కాస్త‌ క‌ష్టంగా ఉంది. ఇక తాప్సీ సినిమాల విష‌యానికొస్తే ఇటీవ‌లే ఆమె విజ‌య్ సేతుప‌తితో క‌లిసి ఓ త‌మిళ సినిమాలో న‌టించారు. ప్ర‌స్తుతం త‌న పూర్తి స‌మ‌యాన్ని ‘రష్మి రాకెట్‌’ చిత్రం కోసం కేటాయిస్తున్నారు