కేన్సరుతో బాలీవుడ్ నటి, మోడల్‌ దివ్య చౌక్సే మృతి

బాలీవుడ్ నటి, మోడల్‌ దివ్య చౌక్సే కేన్సరుతో మృతి చెందారు. ‘హై అప్పా దిల్ తోహ్ అవారా’ చిత్రంలో నటించిన దివ్య చౌక్సే సుదీర్ఘకాలం కేన్సరుపై పోరాడారు.

దివ్య చౌక్సే మృతిని ఆమె బంధువు సౌమ్యా అమిష్‌వర్మ సంతాపం తెలిపి ధ్రువీకరించారు. దివ్య మృతికి సినీనటుడు సాహిల్ ఆనంద్ తన ఇన్‌స్టాగ్రామ్‌లో సంతాపం తెలిపారు.

‘‘మీ అభిరుచి, కల, సినీపరిశ్రమపై మీ సానుకూలత, మీ అన్నయ్యనైన నన్ను ఎంతో ఆకట్టుకున్నాయి. మీ ఆత్మకు శాంతి చేకూరుగాక, మీ జ్ఞాపకాలు నా హృదయంలో సజీవంగా ఉంటాయి’’ అని సాహిల్ ఇన్‌స్టాగ్రామ్‌ తెలిపారు.

దివ్య చౌక్సే మరణానికి కొన్ని గంటల ముందు తన ఇన్‌స్టాగ్రామ్ ఫాలోవర్స్ కోసం హృదయ విదారక పోస్టు పెట్టారు. ‘‘కేన్సరుతో నేను నెలల తరబడిగా మంచం మీద ఉన్నాను దివ్య చౌక్సే బై" అంటూ పోస్టు చేశారు. దివ్య చౌక్సే పలు యాడ్ ఫిల్మ్స్, టెలివిజన్ షోలలో నటించారు.