మర్డర్ సినిమా విషయంలో వర్మ మీద ఎటువంటి చర్యలు తీసుకోవద్దు ..హైకోర్ట్

సంచ‌ల‌న ద‌ర్శ‌కుడు రాంగోపాల్ వ‌ర్మ రూపొందిస్తున్న‌ 'మ‌ర్డ‌ర్' సినిమా విడుద‌ల‌ను ఆపేయాలంటూ నల్గొండ ఎస్సీ, ఎస్టీ కోర్టు మ‌ధ్యంత‌ర ఉత్త‌ర్వులు ఇచ్చిన విష‌యం తెలిసిందే.

దీన్ని స‌వాలు చేస్తూ ఆర్జీవీ హైకోర్టును ఆశ్ర‌యించారు. ఈ అంశంపై మంగ‌ళ‌వారం విచార‌ణ చేప‌ట్టిన న్యాయ‌స్థానం త‌దుప‌రి ఆదేశాలు ఇచ్చేంత‌వ‌ర‌కు రాంగోపాల్ వ‌ర్మ‌, నిర్మాత‌ న‌ట్టి క‌రుణ‌పై ఎలాంటి చ‌ర్య‌లు తీసుకోవ‌ద్ద‌ని మ‌ధ్యంత‌ర ఉత్త‌ర్వులు జారీ చేసింది..

కాగా న‌ల్గొండలో జ‌రిగిన ప్ర‌ణ‌య్ హ‌త్య కేసు ఆధారంగా ఆర్జీవీ 'మ‌ర్డ‌ర్' సినిమా తెర‌కెక్కిస్తున్న‌ట్లు ట్రైల‌ర్, పాట‌లు చూస్తేనే అర్థ‌మ‌వుతోంది. దీంతో ఈ సినిమాపై అభ్యంత‌రం వ్య‌క్తం చేస్తూ ప్ర‌ణ‌య్ తండ్రి బాల‌స్వామి మిర్యాల‌గూడ‌ పోలీసుల‌కు ఫిర్యాదు చేశారు. ఈ చిత్రాన్ని ఆపాలంటూ ఆగస్టు 6 తేదీన అమృత న‌ల్గొండ‌లోని ఎస్సీ, ఎస్టీ ప్ర‌త్యేక కోర్టును ఆశ్ర‌యించారు. దీనిపై విచార‌ణ చేప‌ట్టిన న్యాయ‌స్థానం ప్ర‌ణ‌య్ హ‌త్య కేసులో తీర్పు వ‌చ్చేవ‌ర‌కు 'మ‌ర్డ‌ర్' చిత్రం విడుద‌ల నిలిపివేయాల‌ని తీర్పునిచ్చింది