తన గే ప్రియుడిని చంపడమే కాకుండా ముక్కలు చేసి తిన్న పోర్న్ స్టార్...!

కెనడా కంజర్వేటీవ్ పార్టీ ప్రధాన కార్యాలయానికి రాత్రి సుమారు 7.30 గంటల ప్రాంతంలో ఓ పార్శిల్ వచ్చింది. దాన్ని తెరిచి చూసిన ఓ నాయకుడు ఒక్కసారే ఉలిక్కిపడ్డాడు. అందులో ఓ వ్యక్తి పాదం ఉంది. కెనడా లిబెరల్ పార్టీ కార్యాలయానికి అందిన మరో పార్శిల్‌లో నరికిన చేయి ఉంది. మరికొన్ని పార్టీ కార్యాలయాలకు కూడా ఇలాంటి పార్శిళ్లు అందాయి. కొన్ని స్కూళ్లకు అందిన పార్శిళ్లలో కూడా శరీర భాగాలు ఉన్నాయి. దీంతో పోలీసులు రంగంలోకి దిగి ఆ శరీర భాగాలు ఎవరివీ? ఆ పార్శీల్ పంపింది ఎవరు? తదితర వివరాలను తెలుసుకొనే పనిలో పడ్డారు. ఈ సమాచారాన్ని మీడియా పెద్ద ఎత్తున్న ప్రచారం చేసింది.

హంతకుడు ఎవరు?

మోంట్రియల్‌లోని కన్కార్డియా యూనివర్శిటీలో చదువుతున్న చైనా విద్యార్థి జున్ లిన్ అనే విద్యార్థివి ఆ శరీర భాగాలు అని తెలిసింది. అతడిని చంపింది మరెవ్వరో కాదు.. అతడి గే (స్వలింగ సంపర్కుడు) బాయ్‌ఫ్రెండ్, కెనడా పోర్న్ స్టార్ లుకా మగ్నోట్టా (29). లిన్‌ను హత్య చేసిన వెంటనే మగ్నోట్టా దేశాన్ని వీడి పారీస్‌కు పారిపోయాడు. మగ్నోట్టాకు పబ్లిసిటీ అంటే బాగా పిచ్చి. ఈ సందర్భంగా అతడు తన పేరు దేశమంతా మారుమోగేందుకు కిరాతకమైన ప్లాన్ వేశాడు. తన గే ప్రియుడు జున్ లిన్‌ను ఇంటికి పిలిపించుకున్నాడు. అనంతరం అతడిని దారుణంగా హత్య చేశాడు. ఆ తర్వాత శవంతో సెక్స్ చేస్తూ వీడియో తీసుకున్నాడు. శవాన్ని కత్తితో కోసి తిన్నాడు. అనంతరం వీడియోను ఆన్‌లైన్‌లో పోస్టు చేశాడు.

లిన్‌ను హత్య చేసిన తర్వాత శరీరంలో కొంత భాగాన్ని తినేశాడు. ఆ తర్వాత దాన్ని ముక్కలుగా చేసి.. రాజకీయ పార్టీల కార్యాలయాలు, పాఠశాలలకు పార్శిళ్లు పంపాడు. ఆ తర్వాత దేశాన్ని విడిచి పారీస్ పారిపోయాడు. హంతకుడి వీడియో సోషల్ మీడియాలో వైరల్ కావడంతో పోలీసులు అతడు నివసిస్తున్న కొటేడెస్ నీగెస్ అపార్టుమెంటులో సోదాలు చేపట్టారు. మొత్తం 11 నిమిషాలున్న ఆ వీడియోలో మగ్నోట్టా నిక్ శవాన్ని చిధ్రం చేస్తూ.. ‘అమెరికన్ సైకో’ పాటను వినడం కనిపించింది. దీంతో మీడియా అతడికి ‘కెనడియన్ సైకో’ అని పేరు పెట్టింది. ఈ హత్య చేసిన తర్వాత బ్యాగ్నోలెట్‌లోని ఇంటర్నేషనల్ బస్ స్టేషన్‌కు వెళ్లాడు. అక్కడి నుంచి పారీస్‌కు వెళ్లాడు. ఆ తర్వాత పోలీసులకు చిక్కకుండా జర్మనీలో కొన్ని రోజులు తలదాచుకున్నాడు.

ఇలా దొరికాడు

శరీర భాగాలను రాజకీయ పార్టీలకు పంపడంతో ఈ కేసు పోలీసులకు ప్రతిష్టాత్మకంగా మారింది. దీంతో పోలీసులకు మగ్నోట్టా చిత్రాలను అన్ని దేశాలకు పంపారు. హంతకుడు చాలా కిరాతకుడని, ప్రజలను అప్రమత్తం చేయాలని సూచించారు. ఈ ఘటన జరిగిన రెండు నెలల తర్వాత బెర్లిన్‌లోని ఓ ఇంటర్నెట్ కేఫ్ యజమాని మగ్నోట్టాను గుర్తుపట్టాడు. అతడికి ఆ విషయం తెలియనివ్వకుండా పోలీసులకు సమాచారం ఇచ్చాడు. దీంతో పోలీసులు అక్కడికి చేరుకుని మగ్నోట్టాను అరెస్టు చేశారు. కేవలం పబ్లిసిటీ కోసమే లిన్‌ను చంపానని మగ్నోటా అంగీకరించాడు.

మోడలింగ్ నుంచి పోర్న్ స్టార్‌ అయ్యాడు

మగ్నోట్టా మొదట్లో మోడలింగ్ చేసేవాడు. ఆ తర్వాత పురుషులతో సంభోగానికి అలవాటుపడి గేలా మారిపోయాడు. అప్పటి నుంచి అతడు గే పోర్న్ వీడియోలు చేసేవాడు. అయితే, మగ్నోట్టా గతంలో కూడా కొన్ని నేరాలకు పాల్పడ్డాడు. 2005లో ఓ క్రెడిట్ కార్డు స్కామ్‌లో ప్రధాన నిందితుడిగా అరెస్టయ్యాడు. ఈ కేసులో 9 నెలల జైలు శిక్ష అనుభవించాడు. ఈ హత్య ఘటన 2012, జూన్ నెలలో చోటుచేసుకుంది. ఈ కేసును విచారించిన కోర్టు 2014లో మగ్నోట్టాకు జీవిత ఖైదు విధించింది. మగ్నోట్టాకు ప్రస్తుతం 37 ఏళ్లు. ప్రస్తుతం జైలు శిక్ష అనుభవిస్తున్న మగ్నోట్టా మరో హంతకుడు జాలిన్ ప్రేమలో పడ్డాడు. ఈ ఏడాది జూన్ నెలలో కెనడాలోని పోర్ట్-కార్టైర్‌ ఇనిస్టిట్యూషన్‌లో మగ్నోట్టా-జాలిన్‌లు పెళ్లి చేసుకున్నారు.