ఆటకు గుడ్ బై చెప్పిన బాడ్మింటన్ 'డాన్ '

బాడ్మింటన్ దిగ్గజం లిన్ డాన్ ఆటకు వీడ్కోలు పలికాడు ..బాడ్మింటన్ చరిత్రలో అల్ టైం దిగ్గజ ఆటగాళ్లలో డాన్ ఒకరు .. బాడ్మింటన్ లో డబుల్ ఒలింపిక్ స్వర్ణాలతో పాటు లిన్ ఐదుసార్లు ప్రపంచ ఛాంపియన్గా నిలిచాడు. చాలా కాలం ప్రపంచ నంబర్ వన్ బ్యాడ్మింటన్ స్టార్ గా నిలిచిన లిన్‌ డాన్‌కు సూపర్ డాన్ గా పేరుంది. తన ప్రత్యర్థి అయిన మలేషియా స్టార్, స్నేహితుడు లీ చోంగ్ వీ రిటైర్ అయిన ఏడాది తర్వాత లిన్ తాను రిటైర్ అవుతున్నట్లు ప్రకటించాడు.

లీ చోంగ్ వీ, లిన్ డాన్ లు దశాబ్దానికి పైగా బాడ్మింటన్‌లో తమ ఆధిపత్యాన్ని ప్రదర్శిస్తూ ఒక వెలుగు వెలిగారు. కాగా లిన్ డాన్ 666 సింగిల్స్ లలో విజయాలు సాధించాడు ..వరుసగా రెండు సార్లు ఒలింపిక్స్‌లో గోల్డ్‌ మెడల్‌ సాధించిన ఆటగాడిగా లిన్‌ చరిత్ర సృష్టించాడు. 2008 బీజింగ్, 2012 లండన్ ఒలింపిక్స్‌లో ఈ ఘనత సాధించాడు.

కెరీర్‌లో కష్టతరమైన సమయంలో ఉన్నప్పుడు నా కుటుంబం జహా కోచ్‌లు, జట్టు సభ్యులు, అభిమానులు అండగా నిలిచారు. ఇప్పుడు నా వయస్సు 37 ఏళ్లు కావడంతో ఫిజికల్‌ ఫిట్‌నెస్‌ను కాపాడుకోవడం కష్టమవుతుంది. జట్టు తరపున ఇతర ఆటగాళ్లతో కలిసి ఆడలేను.. అందుకే రిటైర్మంట్‌కు సమయం వచ్చేసిందని భావించే ఈ నిర్ణయం తీసుకున్నా. టోక్యో ఒలింపిక్స్‌లో దేశం తరపున ఆడాలని మొదట్లో భావించా.. కానీ ప్రపంచంలో కరోనా వల్ల క్రీడలను వాయిదా వేయడంతో నా కల చెదిరిపోయింది. ఇన్ని రోజులు నన్ను అభిమానించిన వాళ్లకు పేరు పేరున కృతజ్ఞతలు' అంటూ ట్విటర్‌లో లిన్‌ డాన్‌ చెప్పుకొచ్చాడు..