ఏపీలో భారీగా తగ్గిన కరోనా పాజిటివ్ కేసుల సంఖ్య..

ఆంధ్రప్రదేశ్ లో కరోనా ఉధృతి తగ్గుముఖం పట్టింది . ఇప్పటికే రాష్ట్రంలో 7.50 లక్షలకు పైగా కేసులు నమోదయ్యాయి. తాజాగా ఏపీ ఆరోగ్యశాఖ కరోనా బులెటిన్ ను రిలీజ్ చేసింది.

ఈ బులెటిన్ ప్రకారం ఏపీలో గడిచిన 24 గంటల్లో 3,224 కొత్త కేసులు నమోదయ్యాయి. దీంతో ఏపీలో ఇప్పటి వరకు నమోదైన మొత్తం కేసుల సంఖ్య 758951కి చేరింది. ఇందులో 43983 కేసులు యాక్టివ్ గా ఉంటె, 708712 మంది ఇప్పటికే కోలుకొని డిశ్చార్జ్ అయ్యారు. ఇక ఇదిలా ఉంటె, గడిచిన 24 గంటల్లో ఏపీలో కరోనాతో 32 మంది మృతి చెందారు. దీంతో ఏపీలో నమోదైన మొత్తం మరణాల సంఖ్య 6256కి చేరింది.

ఇక జిల్లాల వారీగా తీసుకుంటే, అనంతపురం లో 209, చిత్తూరులో 293, తూర్పుగోదావరి జిల్లాలో 547, గుంటూరులో 379, కడపలో 190, కృష్ణాలో 86, కర్నూలులో 136, నెల్లూరులో 166, ప్రకాశంలో 270, శ్రీకాకుళంలో 133, విశాఖపట్నంలో 135, విజయనగరంలో 191, పశ్చిమ గోదావరిలో 489 కేసులు నమోదయ్యాయి.