కరోనా పరీక్షల సమయంలో కూడా డాక్టర్‌తో వెటకారాలాడిన యాంకర్ సుమ...

ఆదివారం బిగ్ బాస్ షోలో యాంకర్ సుమ కనకాల స్పెషల్ ఎంట్రీ ఇచ్చిన సంగతి తెలిసిందే. సుమ వైల్డ్ కార్డ్ ఎంట్రీ అంటూ తెగ బిల్డప్ ఇచ్చి చివరిలో తుస్సుమనిపించారు బిగ్ బాస్. అయినప్పటికీ ప్రేక్షకులకు నిరాశ అయితే లేదు. ఎందుకంటే, తాను ఉన్న కాసేపు సమయంలో ప్రేక్షకులకు కావాల్సినంత ఎంటర్‌టైన్మెంట్ చేసేశారు సుమ. బిగ్ బాస్ ఇంట్లో ఉన్న సభ్యులపై పంచ్‌ల వర్షం కురిపిస్తూ తెగ నవ్వించారు. ఆఖరికి హోస్ట్ కింగ్ నాగార్జునపై కూడా పంచ్‌లు వేశారు. సాధారణంగా ఆదివారం వచ్చిందంటే అది నాగార్జున డామినేషన్ ఉంటుంది. కానీ, ఈ ఆదివారం ఆయన్నే డామినేట్ చేసేశారు సుమ. బిగ్ బాస్ వేదికపైకి వెళ్లడానికి ముందు సుమకు కరోనా పరీక్షలు నిర్వహించారు. ఆ పరీక్షలో నెగిటివ్ అని వచ్చిన తరవాతే ఆమెను వేదికపైకి పంపారు. అయితే, ఆ కరోనా పరీక్ష ఎలా జరిగిందో తెలియజేయడానికి ఒక వీడియోను సుమ ఇన్‌స్టా్గ్రామ్‌లో పోస్ట్ చేశారు.

నిజానికి సుమ అంటేనే వెటకారం. ఎలాంటి పరిస్థితిలోనైనా తన వెటకారంలో మార్పు ఉండని ఈ వీడియో ద్వారా మరోసారి నిరూపించారామె. తన దగ్గర శాంపిల్స్ తీసుకునే డాక్టర్‌తోనే వెటకారం ఆడారు సుమ. ఆ సంభాషణ చాలా సరదాగా ఉంది. సుమ గొంతులో నుంచి డాక్టర్ శాంపిల్ సేకరించారు. అది తీసుకున్న తరవాత ‘‘ఇంతేనా.. అయిపోయిందా. హోగయా.. ముక్కులో నై డాల్తే’’ అంటూ సుమ నవ్వించారు. ‘‘నా గొంతులో ఏముంటది.. యాంకరింగ్. ఆయన కొంచెం తీసుకున్నాడు. ఓ జాగ్రత్త ఖరో.. ఇస్ మే యాంకరింగ్ హై’’ అంటూ తెలుగు, హిందీ మిక్స్ చేసి కొట్టారు సుమ.