ప్రవేశ పరీక్షల దరఖాస్తు స్వీకరణ గడువు జూన్ 10

కరోనా, లాక్‌డౌన్‌ కారణంగా తెలంగాణలో నిర్వహించాల్సిన ప్రవేశ పరీక్షల దరఖాస్తు స్వీకరణ గడువును పొడిగించినట్లు రాష్ట్ర ఉన్నత విద్యామండలి ప్రకటించింది. ఎంసెట్, ఐసెట్‌, ఈసెట్‌, ఎడ్‌ సెట్‌, పీజీఈసెట్‌, పీఈసెట్‌, లాసెట్‌, పీజీఎల్‌ సెట్‌ ప్రవేశ పరీక్షలకు జూన్‌ 10 వరకు ఎలాంటి లేట్ ఫీజు లేకుండా దరఖాస్తు చేసుకోవచ్చని సూచించింది. ఈ మేరకు ఉత్తర్వులు జారీ చేసింది.

కరోనా వైరస్ ప్రభావం రాష్ట్రంలో విద్యావ్యవస్థపై పడటంతో అన్ని పరీక్షలు వాయిదా పడుతూ వచ్చాయి. తాజాగా పదవ తరగతి, ఇంటర్ పరీక్షలకు తేదీలు ఖరారు కావడంతో.. ఉమ్మడి ప్రవేశ పరీక్షల తేదీలపై శనివారం విద్యాశాఖ క్లారిటీ ఇచ్చిన విషయం తెలిసిందే.

ప్రవేశ పరీక్షల షెడ్యూల్‌:

* ఎంసెట్- జులై 6 నుంచి 9 వరకు

* ఈసెట్ - జులై 4

* లాసెట్- జులై 10

* టీఎస్ పీజీఈసెట్- జులై 1 నుంచి 3 వరకు

* టీఎస్ పాలిసెట్- జులై 1

* ఐసెట్- జులై13

* ఎడ్‌సెట్- జులై 15