ఏబీ డివిలియర్స్, డానియెల్లీ దంపతులకు పండంటి బిడ్డ

ఏబీ డివిలియర్స్ మరియు డానియెల్లీ దంపతులకు పండంటి బిడ్డ పుట్టింది. దీంతో వారి ఆనందానికి అవధుల్లేకుండా పోయింది. దక్షిణాఫ్రికా మాజీ క్రికెటర్, రాయల్ చాలెంజర్స్ బెంగళూరు (ఆర్‌సీబీ) విధ్వంసకర బ్యాట్స్‌మన్ ఏబీ డివిలియర్స్ సతీమణి పాపకు జన్మనిచ్చింది. ఈ విషయాన్ని డివిలియర్స్ సోషల్ మీడియా వేదికగా అభిమానులతో పంచుకున్నారు. నవంబర్ 11న తన భార్య డానియెల్లీ ఓ పాపకు జన్మనిచ్చిందని తెలిపారు. దీంతో తను మరోసారి తండ్రి అయినట్లు తెలిపాడు. ఈ పాపకు యెంటే డివిలియర్స్‌గా నామకారణం చేసినట్లు వివరించాడు.

తమకు కలిగిన ఈ సంతానానికి వీరు ఇరువురూ చాలా సంతోష పడ్డారు. ఈ పాపతో కలిపి డివిలియర్స్, డానియెల్లీ దంపతులకు మూడో సంతానం. 2013లో వారిద్దరికి వివాహం జరగగా అబ్రహం డివిలియర్స్, జాన్ రిచర్డ్ డివిలియర్స్ అనే ఇద్దరు కుమారులు జన్మించారు. తాజాగా ఈ దంపతులకు ఆడపిల్ల పుట్టడంతో వారి ఆనందానికి అవధులు లేకుండా పోయింది. దంపతులు ఇద్దరూ కుతూరితో కలిసి దిగిన ఫోటోను ఇన్‌స్టాగ్రామ్‌లో షేర్ చేశాడు డివిలియర్స్. ఇది సోషల్ మీడియాలో వైరల్ గా మారింది.