తామర తగ్గడానికి ఇంటి చిట్కాలు...
By: chandrasekar Fri, 16 Oct 2020 6:14 PM
తామర అనేది చర్మ సంబంధ
అంటువ్యాధి. ఒక్కో వ్యక్తికి ఒక్కోలా ఉంటుంది. ఇది అంటు వ్యాధి. అయినా ఒకరి నుంచి
ఒకరికి అంత త్వరగా వ్యాపించదు. తామర ఉన్న వ్యక్తి తామర ఉన్న ప్రదేశాన్ని తాకడం, అతను
వాడిన దుస్తులు వాడటం వల్ల వస్తుంది. తామర వల్ల చర్మం పొడిబారి పొలుసులు ఏర్పడటం, మచ్చలు
పడటం, చర్మం
దురద పెట్టడం జరుగుతుంది. ఇది ఏ వయస్సు వారికైనా వస్తుంది. కానీ ఇది ఎక్కువగా
చిన్న పిల్లలకు వస్తుంది. ఇది చర్మం పై ఎక్కడైనా వస్తుంది. తడిగా ఉండే ప్రదేశాల్లో
గజ్జలు, చంకల్లో
ఎక్కువగా వస్తుంది. ఇది వాతావరణం చల్లగా ఉన్నపుడు ఎక్కువగా వస్తుంది.
తామర రకాలు...
కాంటాక్ట్ తామర:
ఇది ఎవరైనా తామర
వున్నవారిని కాంటాక్ట్ అయినప్పుడు లేదా మన వాతావరణంలో మార్పులు వల్ల కాంటాక్ట్
తామర వస్తుంది. దీనివల్ల చర్మం ఎర్రగా మారి బాగా దురద పెడుతుంది. సాధారణంగా, కాంటాక్ట్
తామర చేతులు మరియు కాళ్ళ మీద ఎక్కువగా వస్తుంది.
వరికోస్ తామర:
ఈ రకమైన తామర ఎక్కువగా
ముసలి వారిలో వస్తుంది. ముఖ్యంగా ముసలివాళ్లైనా ఆడవారిలో వస్తుంది. కానీ ఒక్కోసారి
యుక్త వయస్సులో ఉన్నప్పుడు కూడా వచ్చే అవకాశం ఉంది. ఇది తక్కువ రక్త ప్రసరణ
ఉన్నవారిలో కాళ్ళలో రక్తం గడ్డకట్టడం, నరాలు ఉబ్బటం జరుగుతుంటుంది. గతంలో ఫ్లేబిటిస్ లేదా
సెల్యులైటిస్ కలిగి ఉంటే లేదా అధిక బరువుతో ఉంటే ఈ వరికోస్ తామర వచ్చే అవకాశాలు
ఎక్కువగా ఉంటాయి.
అటాపిక్ డెర్మటైటిస్:
ఇది ఒక రకమైన ఎలర్జీ. ఇది
ఎక్కువగా చిన్న పిల్లల్లో వస్తుంది. ఇది ఐదు సంవత్సరాల లోపు పిల్లలకు ఎక్కువగా
వస్తుంది. ఇది ఆహార పదార్ధాలు, పర్యావరణ మార్పుల వల్ల ఎవరికైనా వచ్చే అవకాశం
ఉంటుంది. ఇది జన్యుపరంగా కూడా వస్తుంది. మీ కుటుంబంలో ఎవరికైనా ఏ రకమైన తామర
వున్నా ఇది వచ్చే అవకాశం ఉంటుంది. అయితే ఇది తల్లిదండ్రుల నుండి పిల్లలకి వచ్చే
అవకాశం ఉంది కానీ ఖచ్చితంగా రాకపోవచ్చు.
పోమ్ఫోలిక్స్:
పోమ్ఫోలిక్స్ తామర
సాధారణంగా చేతులు మరియు కాళ్ళల్లో మాత్రమే వస్తుంది. ఈ తామర లో చర్మంపై తీవ్రంగా
దురదతో కూడిన నీటి బొబ్బలు ఏర్పడతాయి. ఈ రకం తామర ఎక్కువగా చేతి వేళ్ళ మీద, అరచేతుల్లో
మరియు అరికాళ్ళల్లో వస్తుంది. ఈ తామర ఏ వయసులోనైనా వస్తుంది. కాని 40 ఏళ్ళ
లోపు వారికీ సాధారణంగా వస్తుంది.
తామర రావడానికి కారణాలు
తామర రావడానికి ఖచ్చితమైన
కారణం తెలియదు, కానీ మన శరీరంలోని రోగనిరోధక వ్యవస్థ ద్వారా వచ్చే
ప్రతిచర్యకు ఇబ్బంది కలిగించేదిగా భావిస్తారు. తామర సాధారణంగా ఇతర అలెర్జీలు లేదా
ఉబ్బసం ఉన్న కుటుంబాలలో ఎక్కువగా వస్తుంది. చర్మ అవరోధంలోని లోపాలు తేమ
నిష్క్రమించడానికి మరియు మన శరీరంలో సూక్ష్మక్రిములను బయటకు పంపటానికి వీలు
కల్పిస్తుంది. ప్రజలు ఈ వ్యాధిని వైద్య చికిత్సతో ఈజీగా తగ్గించుకోవచ్చు.
తామరను నయం చేయడానికి
ఇంటిలో చిట్కాలు...
ఆలివ్ ఆయిల్..ఆలివ్ ఆయిల్
ఒమేగా-3 ఫాటీ
యాసిడ్ ను కలిగి ఉన్న సహజ నూనె. ఒమేగా -3 లో యాంటీ ఇన్ఫ్లమేటరీ లక్షణాలు ఉంటాయి. మీకు తామర
ఉన్న చోట గోరు వెచ్చని ఆలివ్ ఆయిల్ ను రాయడం వల్ల చర్మం మృదువుగా తయారవుతుంది.
మీకు సోరియాసిస్ మీ తలపై ఉంటే, ఎండిన చర్మాన్ని తొలగించడానికి స్నానం చేసేటప్పుడు మీ
తలకు కొంత ఆలివ్ ఆయిల్ ను రాయండి. మీ ఆహారంలో ఆలివ్ ఆయిల్ వాడటం వల్ల మీ చర్మం
లోపలి నుండి నయం అవుతుంది.
కలబంద...స్వచ్ఛమైన కలబంద
జెల్ చర్మ దురదని తగ్గించి చర్మం చల్లగా అయ్యేలా చేస్తుంది. మీరు తామర లేదా
సోరియాసిస్తో బాధపడుతుంటే, మీరు కలబంద మొక్కను పెంచుకోండి. దానివల్ల మీరు
కెమికల్స్ లేని స్వచ్ఛమైన జెల్ ను రాసుకోవచ్చు.
పసుపు..పసుపు అనేక చర్మ
వ్యాధులను నయం చేస్తుంది మరియు మంటని తగ్గిస్తుంది. పసుపు కర్కుమిన్
యాంటీఆక్సిడెంట్ గా పనిచేస్తుంది. ఇది మీ చర్మాన్ని రక్షిస్తుంది మరియు తక్కువ సమయంలో
గాయం నయం అయ్యేట్టు చేస్తుంది.
వెజిటబుల్
షార్టేనింగ్..పొడి, పగిలిన చర్మాన్ని నయం చేయడానికి వెజిటేబుల్
షార్టేనింగ్ని రాయడం వల్ల నయం అవుతుంది. తామర ఉన్న చోట వెజిటబుల్ షార్టేనింగ్ ని
రాసి, దాని
ప్లాస్టిక్ ర్యాప్తో కప్పి, దానిపై సర్జికల్ టేప్ వెయ్యండి. రెండు మూడు గంటలు
అలాగే ఉంచండి. తరువాత మీకు ఉపశమనం కలుగుతుంది.
టీ ట్రీ ఆయిల్..టీ ట్రీ
ఆయిల్ యాంటీ-ఇన్ఫ్లమేటరీ, యాంటిసెప్టిక్, నౌరిషింగ్ లక్షణాలను కలిగి ఉంటుంది. ఇవి అనేక రకాల
చర్మ వైదులను నయం చేయడానికి ఉపయోగపడుతుంది. ఆలివ్ ఆయిల్ ను టీట్రీ ఆయిల్ కలిపి చర్మానికి
రాయడం వల్ల దురదను తగ్గించి చర్మాన్ని మృదువుగా చేస్తుంది.
అవిసె గింజలు..అవిసె
గింజల్లో ఒమేగా -3 ఫాటీ యాసిడ్స్ పుష్కలంగా ఉంటాయి. అవి మీ శరీరంలో
అరాకిడోనిక్ ఆమ్లం అనే రసాయనాన్ని తగ్గించడానికి ఉపయోగపడతాయి. అవిసె గింజలను రోజు
కొంచెం తీసుకోండి. అవిసె గింజలను స్మూతీస్, వోట్మీల్, గ్రానోలా లేదా సలాడ్లలో వేసుకునైనా తినవచ్చు.
ఫిష్ ఆయిల్..చేప నూనెలో
ఒమేగా -3 ఫాటీ
యాసిడ్స్ ఉంటాయి. రోజుకు 3-10 గ్రాములు తీసుకోవడం వల్ల తామర తగ్గడానికి ఇది
సహాయపడుతుంది. ఒమేగా -3 ఫాటీ యాసిడ్స్ సహజంగా ఉండేవి ఆలివ్ ఆయిల్, అవిసె
గింజలు, కాయలు, కొవ్వు
చేపలైన సాల్మన్, సార్డినెస్, హెర్రింగ్, మాకేరెల్ మరియు ట్యూనా చేపల్లో ఎక్కువగా ఉంటాయి.
గమనిక: ఆరోగ్య నిపుణులు, అధ్యయనాల
ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి
సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గంమని
గమనించగలరు.