Advertisement

ఆరోగ్యానికి ఎండు ద్రాక్ష ఉపయోగాలు ...

By: Sankar Wed, 22 July 2020 10:49 AM

ఆరోగ్యానికి ఎండు ద్రాక్ష ఉపయోగాలు ...



ఇప్పుడు అంత కరోనా సమయం నడుస్తుంది ..ప్రజలు తినే వాటిల్లోకూడా కరోనా రాకుండా నియంత్రించేవి ఏవి ఉన్నాయో చూసుకొని మరి తింటున్నారు ..కరోనా రాకుండా ఉండాలంటే రోగ నిరోధక శక్తి బాగా పెంచుకోవాలి ..రోగ నిరోధక శక్తి పెరగాలంటే విటమిన్స్ , ఖనిజాలు ఎక్కువగా ఉన్న ఆహారం తీసుకోవాలి ..డ్రైఫ్రూట్స్‌లో మనకు బాగా తెలిసింది ఎండు ద్రాక్ష. కిస్‌మిస్ బాగా తినడం వల్ల ఎన్నో అనారోగ్యాలకు చెక్ పెట్టేయొచ్చని డాక్టర్లు చెబుతారు. ఆయుర్వేదంలో కూడా అనే రోగాల మందులకు ఎండుద్రాక్ష వినియోగిస్తారు. మనిషికి కిస్‌‌మిస్ ఎంతగా ఉపయోగపడుతుందో తెలుసుకుందామా..

1. ఎండుద్రాక్షలో ఐరన్‌ కూడా సమృద్ధిగా ఉంటుంది. కాబట్టి వీటిని తినడం వల్ల రక్తహీనత సమస్య పరిష్కారమవుతుంది.. రోగనిరోధకశక్తి కూడా పెరుగుతుంది.

2. వీటిని తినడం వల్ల దంత సమస్యలు, చిగుళ్ల వ్యాధులు తగ్గుతాయి. కాలేయ పనితీరును మెరుగుపరుస్తుంది.

3. ఆయుర్వేదం ప్రకారం వాత, పిత్త దోషాలున్న వారికి ఎండుద్రాక్ష ఎంతో ఉపయోగపడుతుంది. మూత్రపిండాలు, పేగు, మూత్రాశయం పనితీరుకి ఇవి చాలా మంచివి.

4. ఊపిరితిత్తుల పనితీరు సరిగ్గా లేనివాళ్లకి ఎండుద్రాక్ష ఎంతో ఉపయోగకరం.

5. ఎండుద్రాక్ష తినడం వల్ల సంతాన సాఫల్యత మెరుగుపడుతుందని ఆయుర్వేదం చెబుతోంది.

6. ఇవి మెదడుకీ మేలు చేస్తాయి. జ్ఞాపకశక్తి, ఏకాగ్రత బాగా పెరుగుతాయి.

7. వీటిల్లో పొటాషియం, కెటెచిన్లు, విటమిన్‌-సి పుష్కలంగా ఉంటాయి. దాంతో ఇవి ఆర్ధరైటిస్‌తో బాధపడేవాళ్లకి ఎంతో మేలు. అలాగే ఇందులోని ఫినాలిక్‌ పదార్థాలు వివిధ రకాల క్యాన్సర్లు రాకుండా అడ్డుకుంటాయి.

8. తరుచూ ఎండుద్రాక్ష తింటే రక్తపోటు(బీపీ), మధుమేహం(షుగర్) అదుపులో ఉంటాయి. ఆకలి వేసినప్పుడు స్నాక్స్ కంటే వీటిని తినడం మేలు.

9. ఎండుద్రాక్షలోని పీచు జీర్ణశక్తిని మెరుగుపరుస్తుంది. మలబద్ధకం, డయేరియాని నివారిస్తుంది. శరీరంలో మంచి బ్యాక్టీరియా పెరుగుదలకి సాయం చేస్తుంది.


Tags :
|

Advertisement