జామ పండు ఉపయోగాలు

చాలా వరకు పండ్లు సీజన్ బట్టి అందుబాటులో ఉంటాయి. కానీ, జామ పండ్లు ఏ సీజన్ లో అయినా అందుబాటులో ఉంటాయి. ఆంతేకాక ఇవి తక్కువ ధరకే అందుబాటులో ఉంటాయి. జామకాయ అనేది చాలా సాధారణమైన పండు. కానీ ఈ పండు వల్ల కలిగే ఆరోగ్య ప్రయోజనాల వల్ల జామని ఓ సూపర్ ఫుడ్ అని చెప్పొచ్చు. ఈ పండులోని చక్కెరలు, విటమిన్లు మరియు ఖనిజాలు, దాని ఔషధ లక్షణాలకు ప్రసిద్ధి. జామ పండ్లు ఆరోగ్యానికీ ఎన్నో లాభాలను అందిస్తాయి. ఇన్ని అద్భుత ఆరోగ్య ప్రయోజనాలు అందించే జామ పండుతో 5 ఆరోగ్య ప్రయోజనాల గురించి తెలుసుకుందాం..
​

జామ పండులో విటమిన్ ఎ పుష్కలంగా లభిస్తుంది. కంటి ఆరోగ్యాన్ని మెరుగుపర్చడానికి విటమిన్ ఎ చాలా అవసరం. కాబట్టి.. జామ పండు కంటి ఆరోగ్యానికి ఎంతో మేలు చేస్తుంది. కంటి సమస్యలను నివారించి, కంటి చూపును మెరుగుపరుస్తుంది. జామపండులో లభించే అధిక యాంటీ ఆక్సిడెంట్స్.. ఫ్రీ రాడికల్స్ నుండి కళ్ళను రక్షించడంలో సాయపడుతుంది. మరియు రెటీనా దెబ్బతినకుండా రక్షిస్తుంది.అందువల్ల, జామ దృష్టిని మెరుగుపరుస్తుంది. కంటిశుక్లం, మాక్యులర్ క్షీణతను తగ్గించడంలో సాయపడుతుంది.చాలా మంది జామ పండును ఇష్టంగా తింటారు. ముఖ్యంగా జామకాయలో పోషకాలు, విటమిన్లు, పీచు పదార్థం వంటి గుణాల వల్ల అందరికీ ఈ పండంటే చాలా ఇష్టం. ఈ పండులో కేలరీలు తక్కువగా ఉండి పీచు పదార్ధం ఎక్కువగా ఉంటుంది. నీటిలో కరిగే బి. సి. విటమిన్లు, కొవ్వులో కరిగే విటమిన్ ఎ జామకాయలో అధికంగా లభించే పోషకాలు. డయాబెటీస్ కచ్చితంగా తీసుకోవాల్సిన పండులో ఇది ఒకటి.

గర్భిణీలకు జామ మేలు చేస్తుంది. ఎందుకంటే ఇది తల్లికి, గర్భంలో ఉన్న శిశువుకి మంచి పోషకాలను అందిస్తుంది. ముఖ్యంగా జామ పండులో ఫోలిక్ ఆమ్లం, విటమిన్ బి -9 ఉంటుంది. ఇది శిశువు నాడీ వ్యవస్థను అభివృద్ధి చేయడంలో సాయపడుతుంది. కాబట్టి గర్భిణీలకు జామ పండు ఆరోగ్యకరమైనది. ఇది నవజాత శిశువును నాడీ సంబంధిత రుగ్మతల నుంచి కాపాడుతుంది.ఆరోగ్యకరమైన జీవితానికి ఆరోగ్యకరమైన ఆహారం చాలా అవసరం. అందులో తాజా పండ్లు ముఖ్యమైన పాత్ర పోషిస్తాయి. ఎందుకంటే వివిధ రకాల పండ్లలో ఆరోగ్యానికి కావాల్సిన అనేక పోషకాలు లభిస్తాయి. అలాంటి పండ్లలో ఒకటి జామ పండు ఒకటి. తినడానికి ఎంతో రుచిగా ఉండే ఈ జామ పండులోని చిన్న చిన్న గింజలను కూడా తినచ్చు.
​

జామ పండు ఆరోగ్యానికి ఒక దివ్య ఔషధం. ఇందులోని పోషకాలు సంతాన సమస్యలను దూరం చేస్తాయి. ఇది సంతానోత్పత్తిని ప్రోత్సహించడంలో సహాయపడుతుంది. పొటాషియం బీపీని కంట్రోల్‌లో ఉంచుతుంది. ఈ పండులో 80% నీరు ఉంటుంది. ఇది మన చర్మాన్ని హైడ్రేట్ గా ఉంచడానికి సహాయపడుతుంది. అంతేకాకుండా.. అనేక దంత సమస్యలను నివారిస్తుంది. జామ పండు శక్తివంతమైన రోగ నిరోధక చర్యను కలిగి ఉంది మరియు శక్తివంతమైన యాంటీ బాక్టీరియల్ ‌గా పనిచేస్తుంది. ఇది సూక్ష్మక్రిములను చంపుతుంది. జామ పండు రసం పంటి నొప్పి, వాపు చిగుళ్ళు, నోటి పూతలను నయం చేస్తుంది. ఈ పండులో విటమిన్ సి, లైకోపీన్, యాంటీ ఆక్సిడెంట్స్ కూడా పుష్కలంగా ఉంటాయి. జామ పండులో మాంగనీస్ కూడా పుష్కలంగా ఉంటాయి. ఇది మనం తినే ఆహారం నుండి ఇతర కీలక పోషకాలను గ్రహించడానికి శరీరానికి సహాయపడుతుంది. జామలో ఫోలేట్ ఉంటుంది.
​