ఇంట్లోనే హెయిర్ స్ట్రెయిటనింగ్ ఎలా చేసుకోవాలో తెలుసుకుందాం

స్ట్రైట్ హెయిర్ ఎప్పుడూ స్టైలిష్ గానే ఉంటుంది. అది మంచి ఎలిగెంట్ లుక్ ని ఇస్తుంది. అయితే, హెయిర్ స్ట్రైటనర్స్ ఎక్కువగా వాడినా, పర్మినెంట్‌గా స్ట్రైటెన్ చేయించుకున్నా జుట్టుకి మంచిది కాదు. సహజమైన పద్ధతుల్లో స్ట్రైటెనింగ్‌కి ఎక్కువ సమయం పట్టొచ్చు కానీ, ఫలితాలు కూడా అలానే ఉంటాయి. అయితే, ఇవేవీ పిన్-స్ట్రైట్ హెయిర్ ని మాత్రం ఇవ్వలేవు. ఇవి జుట్టుని మృదువుగా చేస్తాయి. మీ మామూలు జుట్టు కంటే స్ట్రైట్ గా చేస్తాయి.

* పావుకప్పు కొబ్బరిపాలు, ఒక టేబుల్ స్పూన్ నిమ్మరసం కలిపి, ఆ మిశ్రమాన్ని రాత్రంతా ఫ్రిజ్ లో ఉంచండి. పొద్దున్న జుట్టు కుదుళ్ళ నుంచి చివర్ల వరకూ పట్టించండి. ఒక ముప్ఫై నిమిషాల తరవాత సల్ఫేట్-ఫ్రీ షాంపూతో తలస్నానం చేయండి. వారానికోసారి ఇలా చేస్తే మంచి ఫలితాలుంటాయి. నిమ్మరసం, కొబ్బరిపాలూ కలిసి మీ జుట్టుకి కావల్సిన విటమిన్ సీని అందిస్తాయి. దీని వల్ల జుట్టు సిల్కీగా సాఫ్ట్ గా అవుతుంది.

* ఒక టేబుల్ స్పూన్ ఆముదం, ఒక టేబుల్ స్పూన్ కొబ్బరినూనె కలిపి కొద్దిగా వేడి చేయండి. దీన్ని జుట్టు కుదుళ్ళ నుంచి పట్టించండి. ఇప్పుడి పదిహేను నిమిషాల పాటూ మసాజ్ చేసి తరవాత ముప్పై నిమిషాలు ఉంచేయండి. చల్లని నీటితో, సల్ఫేట్-ఫ్రీ షాంపూ తో తలస్నానం చెయ్యండి. ఇలా వారానికి రెండుసార్లు చెయ్యండి. ఆముదం జుట్టుకి మంచి పోషణనిస్తుంది. జుట్టుని సాఫ్ట్ గా, హైడ్రేటెడ్ గా ఉంచుతుంది. జుట్టుకి మంచి మెరుపు వస్తుంది కూడా.

* ఒక పావుకప్పు పాలని స్ప్రే బాటిల్ లో పోయండి. జుట్టంతా పాలతో తడిసేటట్లు స్ప్రే చెయ్యండి. ఒక అరగంట ఆగాక తలస్నానం చేయండి. వారానికి ఒకటి రెండు సార్లు ఇలా చేయండి. పాలలో ఉన్న ప్రొటీన్స్ మీ జుట్టు కుదుళ్ళకి మంచి పోషణనిచ్చి జుట్టు స్ట్రైట్ గా కనిపించేటట్లు చేస్తాయి.

* రెండు కోడిగుడ్ల సొనలో మూడు టేబుల్ స్పూన్స్ ఆలివ్ ఆయిల్ కలిపి జుట్టుకు అప్లై చేయండి. ఒక గంట తరవాత చల్లని నీటితో, సల్ఫేట్-ఫ్రీ షాంపూ తో తలస్నానం చేయండి. వారానికొకసారిలా చేయండి. ఎగ్స్ లో ఉన్న ప్రొటీన్స్ మీ జుట్టుకి మంచి పోషణనిస్తే ఆలివ్ ఆయిల్ మంచి కండిషనర్లా పని చేస్తుంది. ఈ రెండూ కలిసి మీ జుట్టుకి మృదుత్వాన్నిస్తాయి.

* పావు కప్పు పాలలో రెండు టేబుల్ స్పూన్స్ తేనె కలపండి. జుట్టుకి అప్లై చేసి రెండు గంటలు ఉంచేయండి. తరవాత చల్లని నీటితో, సల్ఫేట్-ఫ్రీ షాంపూ తో తలస్నానం చెయ్యండి. వారానికొకసారి ఇలా చేయండి. పాలలోని ప్రొటీన్ జుట్టుకి పోషణనిస్తే తేనె జుట్టు పొడిబారకుండా చేస్తుంది. దీనివల్ల మీ ఫ్రీజీ హెయిర్ షైనీ గా సాఫ్ట్ గా తయారౌతుంది.

* పావుకప్పు పాలలో ఒక గుడ్డు సొనా, ఒక కప్పు ముల్తానీ మట్టీ, ఐదు టేబుల్ స్పూన్స్ బియ్యప్పిండీ కలపండి. అవసరాన్ని బట్టి పాలు గానీ, ముల్తానీ మట్టి కానీ ఎక్కువ కలుపుకోవచ్చు. ఈ మిశ్రమాన్ని జుట్టుకి పట్టించండి. ఒక గంట తరువాత చల్లని నీటితో, సల్ఫేట్-ఫ్రీ షాంపూ తో తలస్నానం చెయ్యండి. వారానికొకసారిలా చెయ్యండి. ఇందులో ఉన్న పదార్ధాలనీ మీ పరిశుభ్రంగా, స్మూత్ గా చేస్తాయి. జుట్టుకి ఒక హెల్దీ మరియూ స్ట్రైట్ లుక్ వస్తుంది.

* ఒక ముగ్గిన అరటిపండు తో సమానంగా బొప్పాయి ముక్క తీసుకోండి. ఈ రెండింటినీ కలిపి ఒక మెత్తటి మిశ్రమాన్ని తయారు చేయండి. దీన్ని మీ జుట్టుకి పట్టించి నలభై ఐదు నిమిషాల పాటూ కానీ, మిశ్రమం ఆరిపోయేవరకూ కానీ ఉంచండి. చల్లని నీటితో, సల్ఫేట్-ఫ్రీ షాంపూ తో తలస్నానం చెయ్యండి. వారానికొకసారిలా చెయ్యండి. అరటిపండూ, బొప్పాయీ కలిసి మీ జుట్టుకి మంచి బలాన్నిస్తాయి. ఇది మంచి కందిషనర్లా కూడా పనిచేస్తుంది. దీని వల్ల మీ జుట్టు షైనీ గా సాఫ్ట్ గా ఉంటుంది.

* పావుకప్పు కొబ్బరినూనె గానీ, ఆలివ్ ఆయిల్ గానీ వెచ్చ చేయండి. అందులో పావుకప్పు అలోవెరా జెల్ కలపండి. ఈ మిశ్రమాన్ని తలకు పట్టించి నలభై ఐదు నిమిషాలు ఉంచేయండి. తరువాత చల్లని నీటితో, సల్ఫేట్-ఫ్రీ షాంపూ తో తలస్నానం చేయండి. వారానికొకసారిలా చేయండి. అలోవెరా లో ఉన్న ఎంజైమ్స్ మీ జుట్టుని స్మూత్ గా, సాఫ్ట్ గా చేయడమే కాకుండా జుట్టు పెరుగుదలకి కూడా సహకరిస్తాయి.

* రెండు ముగ్గిన అరటిపండ్లను తీసుకుని వాటిని మెత్తగా చేయండి. ఇందులో రెండు టేబుల్ స్పూన్స్ తేనె, రెండు టేబుల్ స్పూన్స్ ఆలివ్ ఆయిల్, రెండు టేబుల్ స్పూన్స్ పెరుగు కలపండి. ఈ మిశ్రమాన్ని జుట్టుకి పట్టించి ఒక అరగంట వదిలేయండి. తరవాత చల్లని నీటితో, సల్ఫేట్-ఫ్రీ షాంపూ తో తలస్నానం చేయండి. వారానికోసారిలా చేయండి. ఇది ఫ్రిజీ హెయిర్‌ని స్ట్రైట్ గా స్ట్రాంగ్ గా చేయడమే కాకుండా జుట్టుకి మంచి కండీషనర్స్‌లా కూడా పనిచేస్తుంది.

* రెండు టేబుల్ స్పూన్స్ ఆపిల్ సిడర్ వెనిగర్ లో ఒక కప్పు నీళ్ళు కలిపి పక్కనుంచుకోండి. సల్ఫేట్-ఫీ షాంపూ తో తలస్నానం చేసి జుట్టుకి కండిషనర్ అప్లై చేయండి. చివరగా ఈ నీళ్ళు కలిపిన ఆపిల్ సిడర్ వెనిగర్‌ని జుట్టు మీద పోయండి. ఇంక అలా వదిలేయండి. మళ్ళీ నీళ్ళతో కడక్కండి. వారానికొకసారిలా చేయండి. ఎలాంటి జిడ్డునైనా ఇది తేలిగ్గా తొలగిస్తుంది. దీనివల్ల ఫ్రీజ్ పోయి జుట్టు స్ట్రైట్ గా సాఫ్ట్ గా ఉంటుంది.