జబర్దస్త్ బ్యూటీ రష్మీ...చిత్రం 'బొమ్మ బ్లాక్బస్టర్'
By: chandrasekar Thu, 10 Sept 2020 12:45 PM
బుల్లితెరపై కనబడుతున్న
యాంకర్ రష్మీ గౌతమ్ అప్పుడప్పుడూ వెండితెర ప్రేక్షకులను కూడా అలా పలకరించి
వెళ్తుంటుంది. బుల్లితెరపై వచ్చిన సక్సెస్ వెండితెరపై రాకపోయినా అదృష్టం
పరీక్షించుకుంటూ విభిన్న పాత్రలు పోషిస్తూ వస్తోంది ఈ జబర్దస్త్ బ్యూటీ. తాజాగా తన
లేటెస్ట్ మూవీ 'బొమ్మ బ్లాక్బస్టర్' తన లుక్ షేర్ చేసింది.
విజయీభవ ఆర్ట్స్ పతాకంపై ప్రవీణ్ పగడాల, బోస్ బాబు నిడిమోలు, ఆనంద్ రెడ్డి నిర్మాణంలో
రూపొందుతున్న చిత్రం 'బొమ్మ బ్లాక్బస్టర్'. ఈ చిత్రానికి రాజ్ విరాఠ్
దర్శకత్వం వహిస్తున్నాడు. టాలీవుడ్ నటులు నందు, రష్మీ గౌతమ్ జంటగా
నటిస్తున్నారు.
ఇటీవలే ఈ మూవీ ఫస్ట్లుక్
విడుదల చేయగా ప్రేక్షకుల నుంచి మంచి రెస్పాన్స్ వచ్చింది. తాజాగా ఇందులో తన
క్యారెక్టర్ పేరు చెబుతూ తన లుక్ పోస్ట్ చేసి అట్రాక్ట్ చేసింది రష్మీ గౌతమ్. పోతురాజు
గాడి లవర్ వాణిగా ఈ సినిమాలో కనిపించబోతున్నట్లు తెలిపిన రష్మీ గౌతమ్. తలపై
కిరీటం పెట్టుకుని చిరునవ్వులు చిందిస్తూ డిఫరెంట్ లుక్లో కనిపిస్తున్న తన
పోస్టర్ షేర్ చేసింది. ఈ పోస్టర్ చూసిన నెటిజన్లు.. ''వావ్!
రియల్లీ బొమ్మ బ్లాక్బస్టర్'' అంటూ కామెంట్స్ చేస్తున్నారు. ఈ చిత్రంలో నందు
పోతురాజు పాత్ర పోషిస్తాడని, దర్శకుడు పూరీ జగన్నాథ్కు ఫ్యాన్గా ఆయన నటన
అట్రాక్ట్ చేస్తుందని అంటున్నారు చిత్ర యూనిట్ సభ్యులు.