నాన్న ఆరోగ్యం నిలకడగా ఉంది ..ఫేక్ న్యూస్ స్ప్రెడ్ చేయకండి

కరోనా బారిన పడి చికిత్స పొందుతున్న స్టార్ హీరో రాజశేఖర్ ఆరోగ్య పరిస్థితిపై అయన కూతురు శివాత్మిక స్పందించారు..కరోనాతో పోరాటం చేస్తూ నాన్న కాస్త ఇబ్బంది పడుతున్నారు. ప్రస్తుతం ఆయన పరిస్థితి నిలకడగానే ఉంది. మెల్లగా మెరుగుపడుతున్నారు.

మీ అందరి అభిమానంతో ఆయన క్షేమంగా తిరిగి వస్తారని ఆశిస్తున్నాను. నాన్న త్వరగా కోలుకోవాలంటూ ప్రార్థనలు చేయండి'' అంటూ శివాత్మిక ట్వీట్ చేయడంతో సోషల్ మీడియా అంతా రాజశేఖర్ ఆరోగ్య పరిస్థితి విషమంగా ఉందనే వార్తలు స్ప్రెడ్ అయ్యాయి. చిరంజీవి సహా కొందరు సినీ తారలు సైతం స్పందిస్తూ రాజశేఖర్ తిరిగి కోలుకోవాలని కోరుకున్నారు.

నిజానికి పాజిటివ్‌గా వెళ్లాలని శివాత్మిక చేసిన ఈ ట్వీట్ నెగెటివ్ ప్రచారానికి ఊతమిస్తూ రాజ‌శేఖ‌ర్ ఆరోగ్య పరిస్థితి విష‌మం అనే ప్ర‌చారం దాకా వెళ్లింది. పలు యూ ట్యూబ్ ఛానెల్స్, వెబ్‌సైట్స్ రాజశేఖర్ పరిస్థితి చాలా సీరియస్‌గా ఉందని వార్తలు రాసేశాయి. దీంతో మ‌రోసారి దీనిపై ట్వీట్ చేసిన శివాత్మిక నాన్న కోలుకుంటున్నారు.. దయచేసి ఆయ‌న ఆరోగ్యం విష‌మంగా ఉందంటూ ఫేక్ న్యూస్‌ స్ప్రెడ్ చేయ‌కండి అని పేర్కొంది.