బుట్టబొమ్మ పాటకు స్టెప్పులు వేసి అల్లు అర్జున్ కు వీడియో టాగ్ చేసిన ఇండిగో ఎయిర్ లైన్స్ సిబ్బంది ..

ఈ ఏడాది సంక్రాంతికి రిలీజ్ అయినా అలా వైకుంఠపురం సినిమా ఎంత పెద్ద హిట్ అయ్యిందో అందరికి తెలిసిందే ...స్టైలిష్ స్టార్ అల్లు అర్జున్ తన స్టైలిష్ నటనకు తోడు , థమన్ అందించిన పాటలు ఒక ఊపు ఊపాయి ..సినిమా రిలీజ్ కు ముందు సామజవరాగమన సాంగ్ సృష్టించిన సంచలనం అంత ఇంత కాదు ..ఇక రిలీజ్ తర్వాత బుట్ట బొమ్మ , రాములో రాముల పాటలు కొత్త కొత్త రికార్డు లను సృష్టిస్తున్నాయి ..ముఖ్యంగా బుట్టబొమ్మ సాంగ్ ప్రపంచ వ్యాప్తంగా పాపులర్ అయింది.

తాజాగా వైజాగ్‌కు చెందిన‌ ఇండిగో ఎయిర్‌లైన్స్ సిబ్బంది అంతా కలిసి బుట్టబొమ్మ పాటపై చిందులేశారు.తాము డాన్స్ చేసిన ఈ వీడియోను ట్విట్ట‌ర్‌ ద్వారా బ‌న్నీకి ట్యాగ్ చేసి ఆయనను సర్‌ప్రైజ్ చేశారు. దీంతో ఈ వీడియో చూసిన అల్లు అర్జున్.. ఇలాంటి సంతోషాన్నిచ్చే ఆశ్చర్యం కలిగించినందుకు ఇండిగో సిబ్బందికి ప్రత్యేక ధ‌న్య‌వాదాలు తెలిపారు. ప్రస్తుతం ఈ వీడియో సోషల్ మీడియాలో వైరల్ అవుతోంది. బన్నీ పాటపై ఇండిగో సిబ్బంది ఆట చూసి ''వావ్! సూపర్'' అంటూ కామెంట్స్ చేస్తున్నారు నెటిజన్స్.

కాగా ఈ బుట్ట‌బొమ్మ సాంగ్‌లో అల్లు అర్జున్- పూజా హెగ్డే వేసిన స్టెప్పులు మరచిపోలేక పోతున్నారు ప్రేక్షకులు. కాస్త సమయం దొరికినా ఈ పాట పెట్టుకొని డాన్స్ చేస్తూ రిలాక్స్ అవుతున్నారు. ఇప్పటికే చాలామంది సెలబ్రిటీలు ఈ పాటకు కాలు కదుపుతున్నారు..