రణవీర్ సింగ్ గురించే కొన్ని విషయాలు

బాలీవుడ్‌లో తన యాక్టింగ్‌, హ్యాండ్‌సమ్ స్టైల్‌తో ఎంతోమందిని తన ఫ్యాన్స్‌గా మార్చుకున్న టాలెంటెడ్ హీరో రణవీర్. ఫుల్ లేడీ ఫాలోయింగ్ ఉన్న హీరోల్లో ఇతను ఒకడుతన యాక్టింగ్ గురించి అందరికీ తెలిసిందే అయినా తన కండలతో హ్యాండ్‌సమ్‌గా కనిపిస్తూ ఎంతో మంది అమ్మాయిల మనసు దోచుకుని మోస్ట్ హ్యాండ్‌సమ్ హీరోగా ఉన్నాడు.

ఫిట్ నెస్ విషయంలో రణవీర్ సింగ్ ఎన్నో జాగ్రత్తలు తీసుకుంటాడు. అదే విధంగా చాలా సార్లు తన ఇన్స్‌పిరేషన్ హృతిక్ రోషన్ అని చెప్పాడు రణవీర్. ఇక ఫుడ్ విషయంలోనూ రణవీర్‌ సింగ్ చాలా కేర్ తీసుకుంటాడు. జంక్ ఫుడ్‌కి దూరంగా ఉంటూ ఇంట్లో వండిన ఆహారమే తీసుకుంటాడు. తను సరైన ఆహారం తీసుకోవడం వల్లే అంత ఫిట్‌గా ఉన్నానని చెబుతాడు. పద్మావతి మూవీ టైమ్‌లో చాలా రోజులు తను షుగర్ అస్సలు తీసుకోలేదు. వారానికి రెండు రోజులు మాత్రం కాస్తా తీసుకునేవాడు. అస్సలు జంక్ ఫుడ్ తీసుకోలేదని చాలా సార్లు చెప్పాడు.

రణవీర్ ఎంత బిజీగా ఉన్నా ఎప్పుడు కూడా వర్కవుట్‌ని స్కిప్ చేయడు. రోజూ కచ్చితంగా వర్కవుట్ చేయాలని ఆలోచిస్తాడు. ఇది తన బాడీ బిల్డింగ్‌కి ఎంతగానో హెల్ప్ చేస్తుందని చెబుతున్నాడు. తను రెండు సెషన్ల వారీగా గంటన్నర సేపు వర్కవుట్ చేస్తాడు. ఓ సారి తన వర్కవుట్ గురించి చెబుతూ తను మొబిలిటీ డ్రిల్స్ చేస్తానని హై ఇంటెన్సిటీ ఇంటర్వెల్ ట్రైనింగ్ చేస్తానని పుష్‌ప్స్, స్క్వాట్స్‌తో పాటు మరికొన్ని వర్కవుట్స్ చేస్తానని చెప్పాడు. అయితే వర్కవుట్‌కి ముందు వార్మప్ చేయడం చాలా ముఖ్యమని చెబుతున్నాడు. దీని వల్ల వర్కవుట్ చేసేందుకు ఫుల్ ఎనర్జీ ఉంటుందని చెబుతున్నాడు.

కేవలం వర్కవుట్ మాత్రమే కాదు. తను రన్నింగ్, స్విమ్మింగ్, సైక్లింగ్.. ఏదైనా గేమ్స్ ఆడేందుకు ఆసక్తి చూపుతాడు. వీటి వల్ల ఎక్సర్‌సైజ్ చేసినంత బెనిఫిట్స్ ఉన్నాయి చెబుతుంటాడు. డైట్ విషయంలో కార్బోహైడ్రేట్స్, ప్రోటీన్ ఫుడ్‌ని ఎక్కువగా తీసుకుంటాడు. దీనివల్ల రోజుకి కావాల్సిన ఎనర్జీ వస్తుంది. దీంతో పాటు కచ్చితంగా 3 గంటలకి ఓ సారి ఏదైనా ఆహారం తీసుకుంటూనే ఉంటాడు.

రామ్ లీలా మూవీ కోసం పర్ఫెక్ట్ ఫిగర్ రావడానికి తాను ఆల్కహాల్‌కి దూరంగా ఉన్నానని చెప్పాడు రణవీర్. ఇది మంచి బాడీని ఇంప్రూవ్ చేసేందుకు ఎంతగానో హెల్ప్ చేస్తుందని తెలిపాడు. ఆల్కహాల్ తీసుకోవడం వల్ల ఇమ్యూనిటీ పవర్ తగ్గతుందిని వ్యాయామం చేసినా యూజ్ ఉండదని చెబుతుంటాడు. ఇవన్నీ కూడా రణవీర్ సింగ్ సూపర్ బాడీ సీక్రెట్స్.