'థాంక్యూ' లో నాగచైతన్య జోడీగా సమంత

ప్రముఖ నిర్మాత దిల్ రాజు, దర్శకుడు విక్రమ్ కుమార్ కాంబినేషన్ లో రూపుదిద్దుకొంటున్న కొత్త సినిమాలో అక్కినేని నాగచైతన్య హీరోగా నటించనున్నారు. ఈ సినిమాకు 'థాంక్యూ' అనే టైటిల్ ను ఖరారు చేసినట్టు టాలీవుడ్ లో వార్తలు వస్తున్నాయి.

ఈ చిత్రంలో హీరోయిన్ గా కీర్తి సురేష్ ను తీసుకోవాలని నిర్ణయించినప్పటికీ ఆమె ప్రస్తుతం వరుస సినిమాలతో బిజీగా ఉంది. ప్రస్తుతం కీర్తి సురేష్ నటించబోతున్న చిత్రాలు ’మిస్ ఇండియా, ’రంగ్ దే‘, ’ సర్కారు వారి పాట‘తో పాటు మరో సినిమా ఉంది. ఈ నేపథ్యంలో కీర్తి `థాంక్యూ`సినిమాలో నటించే పరిస్థితి కనబడటం లేదు.

కాని వరుస సినిమాలతో బిజీగా ఉన్న కీర్తి తేదీలను సర్దుబాటు చేయలేకపోతుందని, ఈ సినిమాలో కీర్తి నటించని పక్షంలో ప్రముఖ హీరోయిన్ సమంతను తీసుకోవాలని విక్రమ్ కుమార్ భావిస్తున్నారని సమాచారం.

ఇదివరకే డైరెక్టర్ విక్రమ్ కుమార్ రూపొందించిన ’మనం‘, 24 సినిమాల్లో సమంత నటించిన విషయం తెలిసిందే. లాక్ డౌన్ పూర్తిస్థాయిలో ఎత్తివేసిన తరువాత ఈ సినిమా షూటింగ్ ప్రారంభం కానుందని టాలీవుడ్ వర్గాల టాక్.