బీచ్‌‌లో రష్మిక వర్కవుట్‌ ... వైరల్‌గా మారిన ‌ వీడియో..,

కన్నడ బ్యూటీ రష్మిక మందానా తాజా వీడియా సోషల్‌మీడియాలో వైరల్‌గా మారింది. బీచ్‌లో వర్కవుట్ చేస్తున్న వీడియోను ఆమె తన ఇన్‌స్టాగ్రామ్‌లో అకౌంట్లో షేర్ చేశారు.

సోషల్‌ మీడియాలో యాక్టివ్‌ ఉండే ఈ అమ్మడు తన ఇన్‌స్టాగ్రామ్ అకౌంట్లో ఓ ఇంట్రస్టింగ్ వీడియో పోస్ట్ చేసింది. తొలిసారి బీ‌చ్‌లో వర్కవుట్స్ చేస్తూ ఫ్యాన్స్‌కు సర్‌ప్రైజ్ ఇచ్చింది. ‘ఇది నేను చేసిన మొదటి బీచ్‌ వర్కవుట్‌ వీడియో. సముద్ర అలల శబ్దం, మట్టి వాసన, సూర్యాస్తమయం, నా పాదాల వ్యతిరేకంగా ఇసుక, ఇది ఎంతో బ్యూటిఫుల్‌గా ఉంది. భవిష్యత్‌లో కూడా ఇలాంటి వర్కవుట్ చేస్తూ వీడియో తయారు చేయాలనుకుంటున్నా’ అంటూ వీడియోతో పాటు మెసేజ్ పోస్ట్ చేసింది రష్మిక మందానా.

‘ఛలో’ సినిమాతో టాలీవుడ్‌లో ఎంట్రీ ఇచ్చిన రష్మిక మందానా అతి తక్కువ సమయంలోనే స్టార్ హోదా దక్కించుకుంది. ఈ ఏడాది సరిలేరు నీకెవ్వరు, భీష్మ సినిమాలతో బ్లాక్‌బస్టర్ హిట్లు అందుకున్న రష్మిక తాజాగా... సుకుమార్, అల్లు అర్జున్ కాంబినేషన్లో వచ్చిన ‘పుష్ప’ సినిమాలో ఛాన్స్ దక్కించుకుంది. దీంతో పాటు మెగాస్టార్ ‘ఆచార్య’లో రామ్‌చరణ్ సరసన నటించనున్నట్లు తెలుస్తోంది.