పసందైన విందు భోజనాలతో రానా మిహికాల వివాహం

కరోనా ఉన్నపటికీ అంగ రంగ వైభోగంగా రానా పెళ్లి రామానాయుడు స్టుడియోలో జరగనుంది. ఈ వివాహకానికి పసందైన విందు భోజనాలతో ఏర్పాట్లు చేసారు. టాలీవుడ్ హీరో రానా దగ్గుబాటి నేడు శుక్రవారం, ఆగష్టు 8 న మిహికను వివాహమాడబోతున్నాడు. కరోనా వైరస్ వ్యాపిస్తున్న తరుణంలో ఎలాంటి ఇబ్బందులు ఎదురుకాకుండా బ‌యో సెక్యూర్ ప‌ద్ధ‌తిలో వీరి వివాహ వేడుకకు కట్టుదిట్టమైన ఏర్పాట్లు చేశారు. శనివారం రాత్రి వివాహం నేపథ్యంలో పెళ్లి వేదికతో పాటు పరిసరాలను మొత్తం శానిటైజ్ చేస్తున్నారు.

పెళ్లి పనులకు హాజరవుతున్న వర్కర్లకు ముందుగానే కోవిడ్19 టెస్టులు చేసినట్లు సమాచారం. అలాగే పెళ్లికి వచ్చే అతిథులు భౌతికదూరం పాటించేందుకు ఏర్పాట్లు చేస్తున్నారు. హైదరాబాద్‌లోని రామానాయుడు స్టుడియో వీరి వివాహ వేడుకకు వేదిక కానుంది. హిందూ మరియు మార్వాలీ రెండు సాంప్రదాయల్లో జరిగే వీరి వివాహ వేడుకకు రెండు కుటుంబాల‌కు చెందిన ముప్పై మంది మాత్రమే హాజ‌ర‌వుతున్నారు.

రానా పెళ్లి వేడుకలో అతిథులు పరిమితంగానే ఉన్నా ఏర్పాట్లు మాత్రం దగ్గుబాటి వారి స్థాయికి తగ్గట్టుగానే జరుగుతున్నాయి. దీనిలో భాగంగా రానా-మిహీకా పెళ్లి విందు కోసం ప్రత్యేకంగా మెనూ రెడీ అయ్యింది. ఘుమ ఘుమలాడే రుచికరమైన నార్త్ అండ్ సౌత్ వంటకాలు రెడీ అవుతున్నాయి. హిందూ, మార్వాలీ రెండు సాంప్రదాయాల్లో జరిగే రానా-మిహీకా వివాహ వేడుక పనుల్ని ఢిల్లీ నుంచి వచ్చిన ప్రత్యేక బృందం నిర్వహిస్తుంది.

పెళ్లి విందులో కూడా వారి కుటుంబ సాంప్రదాయాలు ప్రతిబింబించేలా మెనూని రెడీ చేశారు. హైదరాబాద్‌లో తాజ్ ఫలక్‌నుమా హోటల్ నోరూరించే వివిధ రకాల వంటకాలను సిద్ధం చేస్తోందట. ఈ మెనూలో రాజస్థాన్లోని మార్వారీ రుచులు ఉండబోతున్నట్టు తెలుస్తోంది. వారి సంస్కృతి సాంప్రదాయాలు ప్రతిబింబించేలా వివాహానికి ప్రత్యేకమైన మార్వారీ వంటకాలతో ఏర్పట్లు చేస్తున్నారు.

వివాహ మెనూలో కరోరిస్, కరోరాస్, దాల్ బాటీ చూర్మా, లాల్ మాస్, గట్టే కీ సబ్ జీ తదితర వంటకాలు ఉండబోతున్నాయి. కేవలం రాజస్థాన్ వంటకాలు మాత్రమే కాకుండా సౌత్ ఫెవొరేట్ ఫుడ్‌ కూడా ఈ మెనూలో ఉండబోతుంది. తెలుగువారు బాగా ఇష్టపడే అన్ని వంటకాలను రానా పెళ్లిలో వడ్డించబోతున్నారు. నాన్వెజ్ లో భాగంగా కోడి పలావ్, తలకాయ కూర, చేపల పులుసు, ఎండుచేపలు వంకాయ, పెసరపప్పు, పచ్చి పులుసు, రసం, పప్పుచారు తదితర తెలుగు వంటకాలతో దగ్గుబాటి వారి పెళ్లి వేడుక ఘుమఘుమలాడబోతోంది.

పెళ్లి కొడుకు రానా కూడా మంచి భోజన ప్రియుడు కావడంతో ఆయనకు ఇష్టమైన వంటకాలను కూడా విందు మెనూలు చేర్చినట్టు తెలుస్తోంది. వీటితో పాటు పంజాబీ వంటకాలను కూడా రానా పెళ్లిలో ఆశించవచ్చు. రానా మామగారి బంధువులు అంతా పంజాబీలు కావడంతో వారికోసం కూడా పంజాబీ వంటకాలను సిద్ధం చేసే అవకాశం ఉంది. బటర్ చికెన్, దాల్ మఖాని, కడాయి పన్నీర్ వంటి కొన్ని ప్రసిద్ధ పంజాబీ వంటకాలు రానా పెళ్లి విందులో తాయారు చేస్తున్నారు.