దర్శకత్వం వైపు అడుగులు వేస్తున్న రాధికా ఆప్టే

బాలీవుడ్ బోల్డ్ బ్యూటీ రాధికా ఆప్టే మరో కొత్త స్టెప్ వేసేందుకు రెడీ అవుతోందట. ఇన్నాళ్లు హీరోయిన్‌గా నటిస్తూ పలు సినిమాల్లో అందాలు ఆరబోసిన ఈ అమ్మడు రూటు మార్చాలని డిసైడ్ అయిందట. ఈ లాక్‌డౌన్ సమయంలో స్వయంగా కొన్ని స్క్రిప్టులు రాసుకున్న రాధికా.. ఇకపై దర్శకత్వం కూడా చేస్తానని అంటోంది. అవసరమైతే హీరోయిన్ కేరీర్‌కి ఫుల్‌స్టాప్ పెడతానంటూ తాజా ఇంటర్వ్యూలో ఓపెన్ అయింది రాధికా ఆప్టే.

లాక్‌డౌన్ కారణంగా ఖాళీ సమయం దొరకడంతో కొత్తగా ఆలోచించి కొన్ని స్క్రిప్టులు రాసుకున్నానని రాధికా చెప్పుకొచ్చింది. దర్శకత్వం చేస్తానో లేదో తెలియదు కానీ, కథలు మాత్రం రెడీ చేశానని చెప్పిన ఆమె.. ''ఏమో! బాగా ఎగ్జైట్ అయ్యే ఐడియా వస్తే డైరెక్షన్ కూడా చేస్తానేమో'' అని పేర్కొంది. తనకు కథలు రాయాలనే ఆసక్తి ఎప్పటినుంచో ఉందని అది ఇప్పుడు కార్యరూపం దాల్చిందని ఆమె తెలిపింది. నటనకు స్వస్తి చెప్పాలనే ఆలోచన ఉందని, కొత్తగా రెస్టారెంట్ బిజినెస్ లోకి అడుగుపెట్టాలనే ఆలోచనలు చేస్తున్నానని రాధికా ఆప్టే చెప్పడం విశేషం.

అహల్య, బద్లాపూర్ వంటి చిత్రాలతో పాటు పలు వెబ్ సిరీస్ లలో కూడా నగ్నంగా నటించి సంచలనం సృష్టించిన రాధికా ఆప్టే.. రక్త చరిత్ర, లెజెండ్, లయన్ లాంటి సినిమాలతో తెలుగు ప్రేక్షకులను సుపరిచితమైంది. ఎప్పుడూ బోల్డ్ స్టేట్‌మెంట్స్ ఇస్తూ వార్తల్లో నిలుస్తుండటం అమ్మడి నైజం. ఈ క్రమంలోనే తనను కలుస్తున్న దర్శకులంతా న్యూడ్ సీన్స్ కోసమే అడుగుతున్నారని తెలుపుతూ ఇటీవలే ఆమె చేసిన కామెంట్స్ సినీ వర్గాల్లో హాట్ టాపిక్ అయిన సంగతి తెలిసిందే.