పవర్ స్టార్ వకీల్ సాబ్ నుంచి కొత్త పోస్టర్ విడుదల
By: Sankar Mon, 02 Nov 2020 7:14 PM
తెలుగు, తమిళ, మలయాళంలో పలు సూపర్‌హిట్‌ సినిమాల్లో నటించి ఎన్నో అవార్డులు అందుకున్న నటి నివేదా థామస్‌. నిన్ను కోరి, జెంటిల్‌మేన్‌, బ్రోచేవారెవరురా, దర్బార్‌ లాంటి సూపర్‌హిట్‌ సినిమాలు ఇప్పటికే ఆమె ఖాతాలో ఉన్నాయి. 2008లో వచ్చిన మలయాళం సినిమా 'వెరుతే ఒరు' భార్యతో వెండితెరకు పరిచయమైన నివేదా తను తమిళంలో చేసిన మొదటి చిత్రం 'కురువి'తో మంచి పేరు సాధించారు.
మలయాళంలో బ్లాక్‌బస్టర్‌ అయిన దృశ్యం సినిమాకు తమిళ రీమేక్‌గా వచ్చిన పాపనాశం సినిమాతో నివేదాకు అసలైన బ్రేక్‌ వచ్చింది. ఇందులో కమల్‌ హాసన్‌ సుయంబులింగం పాత్ర పోషించగా, నివేథా ఆయన కూతురు సెల్వి సుయంబులింగంగా నటించారు.
ప్రస్తుతం పవర్‌స్టార్‌ పవన్‌ కళ్యాణ్‌ హీరోగా నటిస్తున్న వకీల్ సాబ్ సినిమాలో ఒక కీలక పాత్ర పోషిస్తున్న నివేదా షూటింగ్‌లో బిజీబిజీగా గడిపేస్తున్నారు. ఈ రోజు నివేదా థామస్‌ పుట్టినరోజు సందర్భంగా వకీల్ సాబ్ ఆమెకు బహుమతిగా ఒక స్పెషల్‌ పోస్టర్ విడుదల చేశారు
