జులై 26న నితిన్, షాలినిల వివాహం
By: chandrasekar Wed, 22 July 2020 1:55 PM
హీరో నితిన్, షాలినీల
వివాహ వేడుకను ఈనెల 26న నిర్వహించనున్నట్టు ఇప్పటికే కుటుంబ సభ్యులు
ప్రకటించారు. కరోనా వైరస్ విజృంభిస్తోన్న వేళ కరోనా నిబంధనలను అనుసరించి చాలా
తక్కువ మంది సన్నిహితులు, కుటుంబ సభ్యుల మధ్య నితిన్, షాలిని
వివాహాన్ని జరపనున్నారు. హైదరాబాద్లో వీరి వివాహం జరగనుంది.
ఇదిలా ఉంటే, నితిన్-షాలిని
నిశ్చితార్థ వేడుక తేదీని కూడా కుటుంబ సభ్యులు మంగళవారం ప్రకటించారు. జూలై 22న
హైదరాబాద్లో నిశ్చితార్థ వేడుక జరుగుతుంది. నిశ్చితార్థం, వివాహ
వేడుకలకు ఇటు నితిన్, అటు షాలిని కుటుంబాలు చాలా తక్కువ మంది అతిథులను
ఆహ్వానించారు.
మరోవైపు, తన
వివాహానికి తెలంగాణ ముఖ్యమంత్రి కె.చంద్రశేఖరరావును కూడా నితిన్ ఆహ్వానించారు.
సోమవారం ప్రగతి భవన్కు వెళ్లి కేసీఆర్ను కలిసిన నితిన్. తన పెళ్లి శుభలేఖను
అందజేశారు. నాగర్ కర్నూల్కు చెందిన డాక్టర్ సంపత్ కుమార్, డాక్టర్
నూర్జహాన్ దంపతుల కుమార్తె షాలిని. నితిన్, షాలినీలది ఎనిమిదేళ్ల పరిచయం. షాలినిని 2012లో
నితిన్ కలిశారట.
వీరిద్దరి మధ్య స్నేహం
ప్రేమగా మారింది. ఐదేళ్ల పాటు ప్రేమించుకన్న తరవాత పెద్దలను ఒప్పించి పెళ్లి పీటలు
ఎక్కుతున్నారు. ఈ ఏడాది ఫిబ్రవరి నెలలో పెద్దలు వివాహం నిశ్చయించారు. ఫిబ్రవరి 15న
నితిన్, షాలినిల
పసుపు, కుంకుమ
వేడుక జరిగింది. ఏప్రిల్ 16న దుబాయ్లో వీరి వివాహం జరపాలని అన్ని ఏర్పాట్లు
చేసుకున్నారు. కాకపోతే కరోనా వైరస్ వల్ల వేదిక, తేదీ రెండూ మారిపోయాయి.