షాకింగ్ లుక్ తో అదరగొట్టిన యంగ్ హీరో నాగ శౌర్య
By: Sankar Sat, 25 July 2020 4:22 PM
లవర్ బోయ్‌గా కెరీర్‌ను ప్రారంభించిన నాగశౌర్య.. కమర్షియల్ చిత్రాలతో పాటు, కంటెంట్ ప్రాధాన్యమున్న చిత్రాల్లో నటించి మంచి గుర్తింపు తెచ్చుకున్నాడు. టాలీవుడ్ ఇండస్ట్రీలో తనకంటూ స్పెషల్ ఇమేజ్ క్రియేట్ చేసుకున్న ఆయన.. మరో డిఫరెంట్ మూవీతో ప్రేక్షకుల ముందుకు రాబోతున్నారు. తాజాగా ఈ సినిమాను సంబంధించిన ప్రీ లుక్ రిలీజ్ చేస్తూ మూవీ ఫస్ట్‌లుక్ విడుదల తేదీని అఫీషియల్‌గా ప్రకటించారు మేకర్స్.
ఈ ప్రీ లుక్‌లో నాగశౌర్య బాడీని వెనుక నుంచి చూపిస్తూ ఆసక్తి రేకెత్తించారు. ఈ పోస్టర్‌లో కండలు తిరిగిన దేహంతో కనిపించిన ఆయనను చూసి ఆశ్చర్యపోతున్నారంతా. వావ్! నాగశౌర్య ఇంతలా మారిపోయాడేంటి? అని షాక్ అవుతూ కామెంట్స్ చేస్తున్నారు నెటిజన్లు. నార్త్ స్టార్ ఎంటర్టైన్మెంట్స్‌ బ్యానర్‌పై రూపొందుతున్న ఈ చిత్ర ఫస్ట్‌లుక్ జులై 27వ తేదీ సోమవారం విడుదల చేయనున్నట్లు ఈ పోస్టర్ ద్వారా తెలిపారు.
ప్రాచీన క్రీడా నేపథ్యంలో ఈ మూవీ రూపొందుతోందని టాక్. నాగశౌర్య కెరీర్‌లో 20వ సినిమాగా ప్రేక్షకుల ముందుకు రాబోతున్న ఈ చిత్రానికి సంతోష్ జాగర్లపూడి దర్శకత్వం వహిస్తుండగా.. కాల భైరవ సంగీతం అందిస్తున్నారు. అతిత్వరలో చిత్రానికి సంబంధించిన నటీనటుల పూర్తి వివరాలు అతి త్వరలో ప్రకటించనుంది చిత్రయూనిట్.
