నాగ చైతన్య కూడా బిగ్ బాస్ వేదికపై...నాగార్జున ఐడియా...
By: chandrasekar Thu, 12 Nov 2020 9:32 PM
దసరా రోజున సమంత సందడి
చేయగా బిగ్ బాస్ వేదికపై దీపావళికి తండ్రి నాగార్జునతో కలిసి నాగ చైతన్య రంగంలోకి
దిగుతున్నారట. ఈ ప్లాన్ వేసింది నాగార్జుననే అని సమాచారం. గత సీజన్లతో పోల్చితే ఈ ఏడాది బిగ్ బాస్ అంతగా
అలరించడం లేదనే చెప్పుకోవాలి. పెద్దగా జనానికి తెలియని కంటిస్టెంట్లతో షో ప్రారంభం
కావడంతో ఈ షోకి ఆశించిన టీఆర్ఫీ దక్కడం లేదు. ఈ క్రమంలో మెల్లగా పాపులర్ పర్సన్స్ని
రంగంలోకి దించి బుల్లితెర ప్రేక్షకులను ఆకట్టుకునే ప్రయత్నం చేస్తున్నారు బిగ్
బాస్. ఇప్పటికే అక్కినేని కోడలు సమంతతో ఓ ఎపిసోడ్ హోస్ట్ చేయించిన నాగార్జున. ఇక
తన కొడుకును కూడా రంగంలోకి దించబోతున్నారని సమాచారం.
సమంత హోస్ట్ చేసిన
ఎపిసోడ్ టీఆర్ఫీకి కాసింత బూస్టింగ్ ఇచ్చినా ఆ ఆనందం ఎక్కువరోజులు నిలువలేదట.
ఫన్నీ టాస్కుల రూపంలో సరికొత్తగా ప్లాన్ చేసినా టీఆర్ఫీలో కదలిక కనిపించడం లేదట. ఈ
నేపథ్యంలోనే గత వారం యాంకర్ సుమతో కాస్త హడావుడి చేయించి అందరి చూపును మరోసారి
బిగ్ బాస్పై పడేలా చేసుకున్నారు. ఇక ఈ వారం అదే కంటిన్యూ చేస్తే ఎంతోకొంత
ప్రయోజనం ఉంటుందని భావించిన నాగార్జున. కొడుకు నాగచైతన్యను గెస్టుగా తీసుకురావాలని
ప్లాన్ చేశారట. బిగ్ బాస్ మేనేజ్మెంట్ కూడా ఈ ప్లాన్ వర్కవుట్ అవుతుందని భావించి
నాగచైతన్యతో గ్రీన్ సిగ్నల్ తీసుకున్నారని సమాచారం. అంతకుముందు అక్కినేని సమంతతో
దసరా సందడి చేశాం కాబట్టి ఈ వీకెండ్ దీపావళి సందడి నాగచైతన్యతో చేస్తే మళ్ళీ అదే
స్థాయి టీఆర్ఫీ రాబట్టొచ్చనే ఉద్దేశంతో ఇలా ప్లాన్ చేశారట. మరోవైపు నాగచైతన్య సైతం
తన లేటెస్ట్ మూవీ 'లవ్ స్టోరీ'ని బిగ్ బాస్ వేదికగా ప్రమోట్ చేసుకోవచ్చనే కోణంలో
రెడీ అనేశారని సమాచారం. సో చూడాలి మరి ఈ వీకెండ్లో తండ్రీకొడుకులు నాగార్జున-
నాగచైతన్య సందడి ఏ మేర సందడి చేయనున్నారో చూడాలి.