బాలకృష్ణ వ్యాఖ్యలపై స్పందించడానికి ఇష్టపడని మంత్రి తలసాని శ్రీనివాస్ యాదవ్

టాలీవుడ్ మరో వివాదం మొదలైంది. ఇండస్టీని ఏలుతున్న ఫ్యామిలీల మధ్య విభేదాలు మరోసారి బయటపడ్డాయి. మెగాస్టార్ చిరంజీవి నేతృత్వంలో సినిమాటోగ్రఫీ మంత్రి తలసాని సాయంతో ఇండస్ట్రీ పెద్దలు తెలంగాణ ప్రభుత్వంతో జరిపిన చర్చలు సఫలీకృతం అయ్యాయి. సినిమా షూటింగ్‌లు ప్రారంభించడానికి ప్రభుత్వం సానుకూలంగా స్పందించింది. అయితే ఇండస్ట్రీ పెద్దలు ప్రభుత్వంతో జరిపిన చర్చలకు తనను పిలవకపోవడంపై ఫైర్ అయ్యారు నందమూరి బాలకృష్ణ ఫీల్ అయ్యారు.

ఈ కారణంగా స్పందిస్తూ ఎవరైనా నన్ను పిలిచారా రియల్ ఎస్టేట్ వ్యాపారం చేసుకోవడానికి చర్చలు పెట్టుకున్నారు అంటూ నోరు జారిన బాలయ్య మంత్రి తలసాని పేరుని ప్రస్తావిస్తూ బూతులు తిట్టిన వీడియో సోషల్ మీడియాలో వైరల్ అవుతుంది. అయితే బాలయ్య వ్యాఖ్యలు సరికాదంటూ సి కళ్యాణ్ చురకలేయగా మెగా బ్రదర్ నాగబాబు ‘నోరు అదుపులో పెట్టుకో బాలయ్యా’అంటూ గట్టివార్నింగ్ ఇచ్చారు.

ఈ ఇష్యూలో కీ రోల్ పోషిస్తున్న తెలంగాణ సినిమాటోగ్రఫీ మంత్రి తలసాని శ్రీనివాస్ యాదవ్.. బాలయ్య వ్యాఖ్యలపై స్పందించడానికి ఇష్టపడలేదు. భూములు పంచుకోవడానికి మీటింగ్ అంటూ బాలయ్య చేసిన వివాదాస్పద వ్యాఖ్యలు ఆయన దృష్టికి రావడంతో ‘వీటిపై ఇప్పుడు స్పందించను.. ఆయన ఎందుకు అలాంటి వ్యాఖ్యలు చేశారో కనుక్కుని ఆ తరువాత స్పందిస్తా అన్నారు మంత్రి తలసాని.

మొత్తానికి బాలయ్యను ఈ మీటింగ్‌కి కావాలనే తప్పించారా? లేక చిరంజీవి నేతృత్వం నచ్చక ఆయనే దూరంగా ఉన్నారా? లేక తెలుగుదేశం పార్టీ నుంచి జంప్ చేసి టీఆర్ఎస్‌లో చేరిన తలసానితో పాత విభేదాలు కారణంగా బాలయ్య ఈ కామెంట్స్ చేశారా అన్నది టాలీవుడ్‌లో హాట్ టాపిక్ గా మారింది.