మహేష్ బాబు త్రిపాత్రాభినయం..!
By: chandrasekar Sat, 30 May 2020 5:43 PM
లాక్ డౌన్తో ఇంటికే
పరిమితమైన సోషల్ మీడియాలో మాత్రం నిత్యం ఏదో ఓ వార్తతో చక్కర్లు కొడుతున్నారు
మహేష్ బాబు. సరిలేరు నీకెవ్వరూ సినిమా సక్సెస్తో మంచి ఊపు మీద ఉన్న మహేష్ అదే
ఊపుతో పరుశురాంతో మరో సినిమాకు సిద్ధమైన విషయం తెలిసిందే. త్వరలో ఈ చిత్రానికి
సంబంధించి అధికారిక ప్రకటన వెలువడుతోంది.
మహేష్ కొత్త సినిమాకు
సంబంధించిన గాసిప్స్ మాత్రం ఆగడం లేదు. తాజాగా ఈ సినిమా టైటిల్ కూడా బయటకు వచ్చిన
విషయం తెలిసిందే. ఈ మధ్య మహేష్ కొత్త సినిమాకి 'సర్కారు వారి పాట' అనే టైటిల్
ప్రచారంలోకి వచ్చింది. ఇక మళ్ళీ ఇప్పుడు ఈ సినిమా గురించి మరో వార్త సినీ
వర్గాల్లో చక్కర్లు కొడుతుంది. అదేంటంటే ఈ సినిమాలో మహేష్ బాబు త్రిపాత్రాభినయం
చేస్తున్నారని టాక్ వినిపిస్తోంది. అంటే మహేష్ మూడు పాత్రలో కనిపించనున్నారు అని
వార్తలు వస్తున్నాయి. దీనికోసం మహేష్ కూడా వర్కౌట్ చేస్తూ కొత్త మేకోవర్ కోసం ప్రయత్నిస్తున్నాడని
సమాచారం.
ఈ సినిమా గురించి మహేష్
మాత్రం ఇప్పటివరకు స్పందించలేదు. ఈ నెల 31 అంటే
రేపు తన తండ్రి కృష్ణ గారి పుట్టిన రోజు సందర్బంగా సినిమా గురించి అధికారిక ప్రకటన
చేస్తారు అని మహేష్ అభిమానులు ఎదురు చుస్తునారు. మరోవైపు ఇప్పటికే మహేష్ యంగ్ లుక్లో
కనిపిస్తున్న ఫోటోలు సోషల్ మీడియాలో వైరల్ అవుతున్నాయి.
40 ఏళ్ల
వయస్సులో మహేష్ 20 ఏళ్ల
కుర్రాడిలో కనిపిస్తున్నారంటూ ఆయన అభిమానులు ప్రశంసలు కురిపిస్తున్నారు. అయితే
పలువురు హీరోలు ఇంతవరకు డబుల్ రోల్, త్రిబుల్
రోల్ చేసిన విషయం తెలిసిందే. జూనియర్ ఎన్టీఆర్ జై లవకుశ సినిమాలో త్రిపాత్రభినయంతో
మెప్పించారు. అయితే మహేష్ మాత్రం ఇంతవరకు ఏ సినిమాలో కూడా డబుల్ రోల్, త్రిబుల్ రోల్ చేసింది లేదు. ఇప్పుడు మహేష్ కొత్తగా
త్రిపాత్రాభినయం చేస్తారన్న వార్తలతో ఆయన అభిమానులు మరిం ఆసక్తిగా ఎదురు
చూస్తున్నారు.