కెజిఎఫ్-2 నుంచి సంజయ్ దత్ 'అధీరా' షాకింగ్ లుక్

కన్నడ మూవీ కెజిఎఫ్ దేశ వ్యాప్తంగా ఎంతటి సంచలన విజయం సాధించిందో అందరికి తెలిసిందే ..దీనితో కెజిఎఫ్ చాప్టర్ 2 మీద భారీ అంచనాలు నెలకొన్నాయి..దీనితో ఆ సినిమా నుంచి ఏ చిన్న న్యూస్ వచ్చిన కూడా అది వెంటనే వైరల్ అయితుంది ..తాజాగా బాలీవుడ్ స్టార్ హీరో సంజయ్ దత్ బర్త్ డే సందర్భంగా ‘కె.జి.య‌ఫ్ చాప్టర్2’ చిత్రం నుంచి అదిరిపోయే లుక్‌ను విడుదల చేసింది చిత్ర యూనిట్. రాకింగ్ స్టార్ య‌ష్ హీరోగా ప్ర‌శాంత్ నీల్ ద‌ర్శ‌క‌త్వంలో రూపొందుతోన్న భారీ ప్యాన్ ఇండియా మూవీ ‘కె.జి.య‌ఫ్ చాప్ట‌ర్ 2’. కేజీఎఫ్ చిత్రానికి సీక్వెల్‌గా తెరకెక్కుతున్న ఈ చిత్రంలో సంజయ్ దత్ అధీరా పాత్రలో కనిపించబోతున్నారు..

అధీరా క్రూరత్వం ఎలా ఉంటుందో ఈనెల 29న మీరే చూస్తారని ముందు ప్రకటించిన కెజీఎఫ్ చిత్ర యూనిట్ అన్నట్టుగానే ‘అధీరా’ లుక్‌లో క్రూరత్వాన్ని చూపించారు. రక్తపాతం లాంటివి లేకుండానే కేవలం ‘అధీరా’ వేషధారణంలో క్రూరత్వాన్ని చూపించగలిగారు దర్శకుడు ప్ర‌శాంత్ నీల్.

ఈ సందర్భంగా అధీరా లుక్‌ని విడుదల చేస్తూ సంజయ్ దత్‌కి పుట్టినరోజు శుభాకాంక్షలు తెలియజేశారు ప్ర‌శాంత్ నీల్. ‘హ్యాపీ బర్త్ డే సంజూ బాబా. మా ‘కె.జి.య‌ఫ్ చాప్ట‌ర్ 2’లో భాగమైనందుకు ధన్యవాదాలు. తదుపరి షెడ్యూల్ కోసం ఆసక్తిగా ఎదురుచూస్తున్నాం’ అంటూ విషెష్ అందిస్తున్నారు.

ప్రస్తుతం కెజీఎఫ్ చిత్రంలోని అధీరా లుక్ సోషల్ మీడియాలో ట్రెండ్ అవుతోంది. పాన్ ఇండియా చిత్రంగా తెలుగు, తమిళ, మలయాళ, కన్నడ, హిందీ భాషల్లో గ్రాండ్ రిలీజ్ అవుతున్న ఈ చిత్రాన్ని తెలుగులో వారాహి చలన చిత్రం వారు విడుదల చేస్తున్నారు. ఈ చిత్రంలో యశ్‌ సరసన శ్రీనిధి శెట్టి హీరోయిన్‌గా నటిస్తుండగా..రవీనా టండన్‌ మరో కీలకపాత్రలో కనిపిస్తోంది. ర‌వి బ‌స్రూర్ సంగీతం అందిస్తుండగా.. భువ‌న్ గౌడ సినిమాటోగ్ర‌ఫీ ఈ సినిమాకి హైలైట్ కానున్నాయి.