బిగ్ బాస్ సీజన్ - 4 కు సిద్దమవుతున్న స్టార్ హీరో
By: Sankar Tue, 18 Aug 2020 07:56 AM
టీవీ ప్రేక్షకులను విపరీతంగా అలరించిన బుల్లితెర కార్యక్రమాల్లో బిగ్బాస్ రియాల్టీ షో మొదటి స్థానంలో నిలిచింది. ఇది ఎవరూ కాదనలేని అంశం. తమిళం లో విశ్వనటుడుడ కమల్ హాసన్ వ్యాఖ్యాతగా అలరించిన ఈ రియాల్టీ షో విజయవంతంగా మూడు సీజన్లు పూర్తి చేసుకుంది. షో నాలుగో సీజన్ ప్రసారం ఇప్పటికే మొదలై ఉండాల్సింది.
కరోనాతో ఈ ఏడాది షో ఉంటుందా ? లేదా అనే సందేహం చాలా మందిలో నెలకొంది. అయితే షో నిర్వాహకులు బిగ్బాస్ అభిమానులకు శుభవార్త అందించారు. నాలుగో సీజన్ త్వరలో ప్రారంభం కాబోతోందని చెప్పేశారు. దీనికి వ్యాఖ్యాతగా కమలహాసన్ వ్యవహరించనున్నారు. ప్రభుత్వ నిబంధనలతో పనులు ముమ్మరంగా జరుగుతున్నట్లు తాజా సమాచారం.
ఈ సారి షోలో నటి సునైనా, రమ్య పాండియన్, అతుల్యా రవి, కిరణ్, విద్యుల్లేఖ రామన్, కోమలి చిత్ర ప్రేమ్ శివంగి, ఇర్ఫాన్ ఈ సారి బిగ్బాస్ హౌస్లో సందడి చేయబోతున్నారట. అధికారిక ప్రకటన త్వరలో అయ్యే అవకాశం ఉంది. సెప్టెంబర్ చివరి వారంలో ప్రసారం అయ్యే అవకాశం ఉందని తాజా సమాచారం.