రక్షిత్ శెట్టి మూవీ లో రష్మిక ...?

రష్మిక మందన్న ప్రస్తుతం టాలీవుడ్‌లో ఎక్కడ చూసిన ఈ ముద్దుగుమ్మ పేరే వినిపిస్తోంది. చల్లో అంటూ తెలుగు ప్రేక్షకులకు పరిచయం అయిన ఈ భామ... మంచి హిట్ సినిమాల్లో ఛాన్స్ కొట్టేసింది. ఇటీవలే విడుదలైన సరిలేరు నీకెవ్వరులో మహేష్ సరసన నటిస్తూ... తెలుగు ఆడియన్స్‌కు మరింత కనెక్ట్ అయ్యింది. తాజాగా బన్నీ హీరోగా వస్తున్న పుష్ప సినిమాలో కూడా రష్మికనే హీరోయిన్. స్వతహాగా కన్నడ బ్యూటీ అయిన రష్మిక మందన్న ప్రస్తుతం టాలీవుడ్ టాప్ హీరోయిన్లలో ఒకరుగా కొనసాగుతోంది. తెలుగు, తమిళం భాషల్లో స్టార్ హీరోల సరసన ఛాన్సులు కొట్టేస్తూ బిజీగా మారిపోయింది.

తెలుగు ఇండస్ట్రీలోకి రాకముందు కన్నడ చిత్రాలలో బిజీగా ఉండే రష్మిక అక్కడ ఓ హీరోతో ప్రేమలో కూడా పడింది. ఆ ప్రేమ పెళ్లి కాస్త వెళ్లి ఆగిపోయింది. కన్నడలో 'కిరాక్ పార్టీ' అనే సినిమాతో హీరోయిన్ గా ఎంట్రీ ఇచ్చింది. ఆ సినిమా చేసే సమయంలోనే ఆ చిత్ర హీరో రక్షిత్ శెట్టితో ఆమె ప్రేమలో పడింది. మ్యాటర్ నిశ్చితార్థం వరకు వెళ్లింది. కొన్ని రోజుల్లో పెళ్లి జరగాల్సిన సమయంలో ఏం జరిగిందో కానీ... ఇద్దరూ బ్రేకప్ అయ్యారు. అయితే తాజాగా రష్మిక మాజీ ప్రియుడితో కలిసి నటించిన కిరాక్ పార్టీ సినిమాకు సీక్వెల్ వస్తోంది. ఆ సినిమాలో కూడా హీరోగా రక్షిత్ శెట్టియే నటిస్తున్నారు.

ఈ సినిమా నిర్మాతలు హీరోయిన్‌గా మళ్లీ రష్మిక అయితేనే బాగుంటుందనే భావనలో ఉన్నారని తెలుస్తోంది. ఈ విషయం రష్మిక వరకు తెలియడంతో... రక్షిత్ తో కలిసి నటించేందుకు తనకు ఎలాంటి అభ్యంతరం లేదని చెప్పింది. దీంతో, రష్మికతో కలిసి పని చేసేందుకు రక్షిత్ ను ఒప్పించే పనిలో నిర్మాతలు పడ్డారట. మరి... తన మాజీ లవర్ తో కలిసి నటించేందుకు రష్మిక ఓకే అన్నా.. రక్షిత్ ఒప్పుకుంటాడో? లేదో? మరి. ఎందుకంటే హీరోయిన్ విషయంలో మాత్రం రష్మిక కాకుండా ప్రియుడు వేరే హీరోయిన్‌ను తీసుకోవాలని రక్షిత్ భావిస్తున్నట్లు సమాచారం