స్వచ్ఛమైన మరియు నిజాయితీతో కూడిన ప్రేమపట్ల నాకు విశ్వాసం: కియారా అద్వాణీ
By: chandrasekar Sat, 05 Dec 2020 9:22 PM
స్వచ్ఛమైన మరియు
నిజాయితీతో కూడిన ప్రేమపట్ల నాకు విశ్వాసం ఉందని కియారా అద్వాణీ తెలిపింది. ప్రేమ, పెళ్లి
అంశాల్లో తన ఆలోచనా విధానం పూర్తి సంప్రదాయబద్దంగా ఉంటుందని నటి ఢిల్లీ సొగసరి
కియారా అద్వాణీ చెప్పింది. కొత్తతరం అమ్మాయినైనా ప్రేమ విషయంలో ఆధునిక భావాల్ని వంటపట్టించుకోలేదని
పేర్కొంది. ఆమె కథానాయికగా నటిస్తున్న తాజా హిందీ చిత్రం ‘ఇందూ కి జవానీ’ ఈ నెల 11న
ప్రేక్షకులముందుకురానుంది. డేటింగ్ యాప్స్ నేపథ్యంలో నేటితరం యువతీయువకుల
ఆలోచనారీతుల్ని ఆవిష్కరిస్తూ ఈ చిత్రాన్ని తెరకెక్కించారు.
ఈ సినిమాలో డేటింగ్ పై యువతరం
ఆలోచన గురించి తెలిపినట్లు చెప్పారు. సినిమా విడుదల సందర్భంగా మాట్లాడిన కియారా
అద్వాణీ తనకు డేటింగ్పై అస్సలు నమ్మకం లేదని చెప్పింది. డేటింగ్ యాప్స్
సంస్కృతిని నేను ఇష్టపడను. పాతకాలంలో మాదిరిగా స్వచ్ఛమైన, నిజాయితీతో
కూడిన ప్రేమపట్ల నాకు విశ్వాసం ఉంది. ప్రేమ విషయంలో నేను పాత ఆచారాల్ని నమ్ముతాను.
మనసుకు నచ్చిన వ్యక్తిని పెళ్లాడి జీవితాంతం అతనితో కలిసి ఉండాలనుకుంటా అని
చెప్పుకొచ్చింది కియారా అద్వాణీ. ఈ కాలంలో ఇలాంటి వారు ఉండడం గొప్పగా చెప్పవచ్చు.