హిందీ హిట్ రీమేక్లో హీరో రాజ్కుమార్ రావు
By: chandrasekar Thu, 16 July 2020 6:51 PM
విశ్వక్ సేన్ ప్రధాన
పాత్రలో నటించిన హిట్ మూవీ తెలుగు మంచి టాక్ తెచ్చుకుంది. ప్రముఖ హీరో నాని ఈ
సినిమాను నిర్మించిన విషయం తెలిసిందే. ఇప్పుడు హిందీ రీమేక్లో హిట్ సినిమా
తీస్తున్నారు. మరో తెలుగు సినిమా రిమేక్ చేసే పనిలో పడింది బాలీవుడ్. ఈ మధ్య
కాలంలో తెలుగు సినిమాలపై ఎక్కువగా దృష్టి పెడుతున్న బాలీవుడ్ నిర్మాతలు దర్శకులు.
ఆయా సినిమాల్ని హిందీలో రిమేక్ చేసే పనిలో పడ్డారు.
తాజాగా తెలుగులో
ఇన్వెస్టిగేటివ్ థ్రిల్లర్గా తెరకెక్కి మంచి విజయం సాధించిన చిత్రం హిట్. ఈ
నగరానికి ఏమైంది, ఫలక్ నుమా దాస్ సినిమాలతో తనకంటూ ఓ ప్రత్యేక గర్తింపు
తెచ్చుకున్న యువ హీరో విశ్వక్ సేన్. ఆయన హీరోగా కొత్త డైరెక్టర్ శైలేష్ కొలను
దర్శకత్వంలో వచ్చిన లేటెస్ట్ ఇన్వెస్టిగేటివ్ థ్రిల్లర్ హిట్. హిట్ చిత్రంలో
విశ్వక్ సేన్ కథానాయకుడిగా నటించగా, ఈయన ఇంటెలిజెంట్ అండ్ సీరియస్ పోలీసుగా కనిపించారు.
దీంతో ఇప్పుడు ఈ
చిత్రాన్ని హిందీలో రీమేక్ చేయబోతున్నారు. తాజాగా దీనికి సంబంధించిన అఫీషియల్
ప్రకటన వచ్చింది. అయితే హిందీ హిట్ రీమేక్లో హీరో రాజ్కుమార్ రావు ప్రధాన
పాత్రలో హిట్ చిత్రాన్ని రీమేక్ చేయబోతున్నట్టు ప్రకటించారు. తెలుగులో
తెరకెక్కించిన శైలేష్ కొలను హిందీలో కూడా రీమేక్కి దర్శకత్వం వహించనున్నారు. ఈ
చిత్రాన్ని స్టార్ ప్రొడ్యూసర్ దిల్ రాజు నిర్మిస్తున్నారు.
జెర్సీ మూవీని షాహిద్
కపూర్ తో హిందీలో రీమేక్ చేస్తున్న దిల్ రాజు మరో నిర్మాత కుల్దీప్ రాథోడ్ తో
కలిసి హిట్ మూవీ నిర్మిస్తుండడం విశేషం. హిట్ సినిమాని తెలుగులో హీరో నాని
నిర్మించారు. ఈ సినిమా మంచి వసూళ్లను కూడా సాధించింది. ఇక హిట్ హిందీ సినిమాలో
హీరోగా నటిస్తున్న రాజ్ కుమార్ రావు ఎలాంటి సినిమా అయినా సరే నటనలో తనకంటూ
ప్రత్యేక గుర్తింపు తెచ్చుకున్నారు. హిందీలో న్యూటన్, స్త్రీ, ట్రాపడ్ , జడ్జ్ మెంటల్ హే క్యా వంటీ సినిమాల్లో నటించి విలక్షణ
నటుడిగా పేరు తెచ్చుకున్నాడు.