Bigg Boss 4: గంగవ్వ కోరిక.. నేను తీరుస్తానంటూ నాగ్ ప్రేక్షకుల సాక్షిగా హామీ..!

బిగ్ బాస్ హౌస్‌లో 5 వారాల పాటు ప్రేక్షకుల్ని అలరించిన గంగవ్వ అనారోగ్యం కారణంగా బిగ్ బాస్ హౌస్‌ను వీడింది. తనకు ఆరోగ్యం సహకరించడం లేదని ఇక్కడ ఉండలేకపోతున్నానని గంగవ్వ కన్నీటి పర్యంతం కావడంతో హోస్ట్ నాగార్జున ఆమెను బిగ్ బాస్ హౌస్ నుంచి విముక్తి కల్పించారు.

బిగ్ బాస్‌ని రిక్వెస్ట్ చేసి గంగవ్వను బయటకు పంపాలని కోరారు. బిగ్ బాస్ నుంచి పర్మిషన్ వచ్చేయడంతో బిగ్ బాస్ హౌస్ నుంచి హ్యాపీగా బయటకు వచ్చేసింది గంగవ్వ. అయితే బిగ్ బాస్ హౌస్ నుంచి మధ్యలోనే వెనుతిరిగినా తన కొత్త ఇంటి కలను నాగార్జున రూపంలో నెరవేర్చుకుంది గంగవ్వ. గంగవ్వ ఏ అవసరంతో అయితే బిగ్ బాస్ హౌస్‌కి వెళ్లిందో దాన్ని తీరుస్తా అని మాట ఇచ్చారు నాగార్జున.

గంగవ్వా.. నీకు ఏం కావాలి?? ఇళ్లే కదా.. నీ ఇళ్లు కట్టి ఇచ్చే బాధ్యత నాది అంటూ అభయం ఇచ్చారు కింగ్ నాగార్జున. మేం ఉన్నాం కదా.. మీరు ఇళ్లు కట్టుకోండి.. ఇళ్లు కట్టిన తరువాత దానికి తాళం కూడా వేసుకోవచ్చు.. ఇప్పటిలా తాళ్లు కట్టుకోవాల్సిన అవసరం లేదు. గంగవ్వ ఇళ్లు కట్టిచ్చేద్దాం.. నో ప్రాబ్లమ్ అంటూ బిగ్ బాస్ ప్రేక్షకుల సాక్షిగా గంగవ్వకు ప్రామిస్ చేశారు నాగార్జున. కోట్లాదిమంది ప్రేక్షకుల సాక్షిగా నాగార్జున ప్రామిస్ చేయడంతో గంగవ్వ అతి త్వరలోనే కొత్త ఇంట్లోకి అడుగుపెట్టడం ఖాయమైనట్లే.