ఆకట్టుకుంటున్న" నారప్ప " పెద్ద కొడుకు ఫస్ట్ లుక్
By: Sankar Sun, 05 July 2020 2:03 PM
ఇటీవలకాలంలో వైవిధ్యభరిత సినిమాలు చేస్తూ అభిమానులను అలరిస్తున్న హీరో విక్టరీ వెంకటేష్ ...f2 సినిమాతో భారీ విజయం సాధించిన వెంకటేష్ ఇప్పుడు మరొక కొత్త సినిమాతో ఆసక్తిని రేకెత్తిస్తున్నాడు ..తమిళ సూపర్ హిట్ మూవీ 'అసురన్' తెలుగు రీమేక్గా రూపొందుతున్న ఈ సినిమాకు శ్రీకాంత్ అడ్డాల దర్శకత్వం వహిస్తున్నారు. సురేష్ ప్రొడక్షన్స్ బ్యానర్పై సురేష్ బాబు, కలైపులిథాను సంయుక్తంగా నిర్మిస్తున్నారు.
ఈ చిత్రంలో వెంకటేష్, ప్రియమణి హీరోహీరోయిన్లుగా నటిస్తున్నారు. వెంకీ భార్య సుందరమ్మగా ప్రియమణి కనిపించనుండటం విశేషం. ఇప్పటికే విడుదల అయిన వెంకటేష్ , ప్రియమణి ఫస్ట్ లుక్ లు అభిమానులను విశేషంగా అలరిస్తున్నాయి ..
ఇక నారప్ప పెద్ద కొడుకు మునికన్నాగా కేరాఫ్ కంచరపాలెం ఫేమ్ కార్తిక్ రత్నం నటిస్తున్నారు. అయితే ఈ రోజు కార్తిక్ రత్నం పుట్టిన రోజు కావడంతో నారప్ప నుంచి ఆయన లుక్ రిలీజ్ చేసి సర్ప్రైజ్ చేసింది చిత్రయూనిట్.సైకిల్ తొక్కుతూ చాలా ఆసక్తికర గెటప్లో కార్తిక్ కనిపించడంతో ఈ పోస్టర్ సోషల్ మీడియాలో వైరల్ అవుతోంది.