Victory Venky Birthday Special: F3 ఫస్ట్‌లుక్ పోస్టర్, కాన్సెప్ట్‌ వీడియో రిలీజ్...!
By: Anji Sun, 13 Dec 2020 6:26 PM
టాలీవుడ్ లో స్టార్ హీరోలలో ఒకరైన స్టార్ హీరో దగ్గుబాటి రామానాయుడు కుమారుడు అయిన నేడు (డిసెంబర్ 13) విక్టరీ వెంకటేష్ బర్త్ డే కానుకగా ఆయన తదుపరి సినిమా F3ని అఫీషియల్‌గా అనౌన్స్‌ చేశారు.
వెంకటేష్, వరుణ్ తేజ్, తమన్నా, మెహ్రీన్ హీరోహీరోయిన్లుగా 2019 సంక్రాంతికి విడుదలైన సంచలన విజయం సాధించిన F2 సినిమాకు సీక్వల్‌గా ఈ మూవీ రూపొందించనున్నారు. చిత్రానికి అనిల్ రావిపూడి దర్శకత్వం వహించబోతున్నారు.
గత కొన్నిరోజులుగా ఈ మూవీ గురించిన చర్చలు నడుస్తున్న నేపథ్యంలో తాజాగా ఈ మూవీ ఫస్ట్‌లుక్, కాన్సెప్ట్‌ వీడియో రిలీజ్ చేసి ఆసక్తి రేకెత్తించారు మేకర్స్.
ఈ ఫస్ట్‌లుక్ పోస్టర్‌లో వెంకటేష్, వరుణ్ తేజ్ ఇద్దరూ చెరో ట్రాలీలో డబ్బుల కట్టలు వేసుకొని కదులుతున్నట్లు కనిపిస్తుండటం స్పెషల్ అట్రాక్షన్‌గా నిలిచింది.
''ఇష్యూ డబ్బులు అయినప్పుడు మరి ఫన్ పీక్స్ లోనే ఉంటుందిగా.. అంతేగా అంతేగా..'' అంటూ ఈ పోస్టర్ పంచుకున్నారు డైరెక్టర్ అనిల్ రావిపూడి.
అంతేకాదు F2ని మించి F3లో ఫన్ మరింత ఎక్కువగా ఉంటుందని తెలిపారు. ఈ సినిమాలో కూడా తమన్నా, మెహ్రీన్ నటించబోతున్నారట.
అలాగే వెంకటేష్, వరుణ్ తేజ్‌లతో పాటు మరో హీరోకి అవకాశం ఉందని తెలుస్తోంది. త్వరలోనే ఆయనెవరో అధికారికంగా ప్రకటించనున్నారని టాక్.
మోర్ ఫన్ బిగిన్స్ అంటూ ఈ సందర్భంగా.. 'నవ్వుల వ్యాక్సిన్‌తో మీ ముందుకు వచ్చేస్తున్నాం' అని వెంకీ వాయిస్‌లో 'నవ్వుకోవడాకి మీరు కూడా థియేటర్స్‌కు వస్తారుగా' అని వరుణ్‌తేజ్‌ వాయిస్‌లో డైలాగ్స్‌తో పాటు F2లో పాపులర్‌ అయిన 'అంతేగా ..అంతేగా' అనే డైలాగ్‌తో ఉన్న కాన్సెప్ట్‌ వీడియోను విడుదల చేశారు. ఈ వీడియో నెట్టింట మరింత ఆకర్షణీయంగా మారింది.
