క్లైమాక్స్ ఊహించని స్థాయిలో దుమ్ముదులిపింది ..ఆర్జీవీ

సెన్సషనల్ డైరెక్టర్ రాంగోపాల్ వర్మ ఏది చేసిన సంచలనమే ..తనకు మాత్రమే సాధ్యం అయిన మార్కెటింగ్ తెలివితో తన సినిమాలను ప్రమోట్ చేసుకుంటాడు..ఇంతటి లాక్ డౌన్ లో కూడా వర్మ ఒకటి కాదు రెండు సినిమాలు తీసి అభిమానులను ఆశ్చర్యనికి గురి చేసాడు ..తొలుత మియా మాల్కోవా తో క్లైమాక్స్ అనే సినిమాను తీయగా ఆ తర్వాత ఏకంగా కరోనా వైరస్ మీదనే సినిమా తీసాడు..

అయితే థియేటర్లు బంద్ ఉండటంతో తన క్లైమాక్స్ మూవీ ని ఓటిటి లో విదుదల చేసాడు..ఈ సినిమాను శనివారం రాత్రి 9 గంటలకు ‘ఆర్జీవీవరల్డ్’ అనే తన సొంత వెబ్‌సైట్‌లో వర్మ విడుదల చేశారు. ఈ సినిమా చూడాలంటే రూ.100 చెల్లించాలి. అయితే, ఈ సినిమాకు 12 గంటల్లోనే అద్భుతమైన స్పందన వచ్చింది. ఏకంగా 1,68,596 మంది ఈ సినిమాను చూశారు. ఈ స్పందన చూసి వర్మకే కళ్లు తిరిగాయి. ఓ 50 వేల మంది చూస్తారని అంచనా వేశారట. కానీ, ఊహించని స్థాయిలో దుమ్ముదులిపేసింది. సర్వర్ కూడా క్రాష్ అయ్యింది..

తన సినిమాకు ఈ స్థాయిలో స్పందన రావడం పట్ల వర్మ ట్విట్టర్ ద్వారా తనదైన శైలిలో రియాక్ట్ అయ్యారు. ‘క్లైమాక్స్’ను గేమ్ ఛేంజర్‌గా అభివర్ణించారు. ‘‘థియేటర్స్‌ను మూసివేసిన కరోనాను పక్కకు దొబ్బేశారు. నా సొంత ఆర్జీవీ వరల్డ్ థియేటర్‌ను ప్రతి ఒక్కరి ఇంటిలో నిర్మించుకున్నారు. ఒక్కరోజు కూడా పూర్తికాకుండా 1,68,596 మంది రూ.100 చెల్లించి ‘క్లైమాక్స్’ను చూశారు. వెల్‌కమ్ మియా మాల్కోవా.. బై బై కరోనా. ఆర్జీవీ క్లైమాక్స్ ది గేమ్ ఛేంజర్’’ అని వర్మ తన ట్వీట్‌లో పేర్కొన్నారు. మొత్తానికి ఈ లాక్‌డౌన్ సమయంలో మియా మాల్కోవా వర్మకు బాగానే డబ్బులు చేసి పెడుతోంది.